Revelesin 11:2 - Pijin Deuterocanon

² Bat yu no mesarem eria aotsaet long Tambuhaos ya, bikos ples ya olketa bin givim fo olketa pipol hu i no Jiu. An olketa nao bae i rul ovarem Jerusalem fo foti-tu mans.

Pijin Bible

² Bat yu no mesarem eria aotsaet long Tambuhaos ya, bikos ples ya olketa bin givim fo olketa pipol hu i no Jiu. An olketa nao bae i rul ovarem Jerusalem fo foti-tu mans.

Revelesin 11:2 ပူးပေါင်းရင်းမြစ်များ

Sams 79:1

God, olketa hiden pipol i faetem mifala an kam insaet finis fo tekova long lan ya wea yu bin givim long mifala. Ya, olketa spoelem finis Tambuhaos blong yu, an olketa brekemdaon finis taon ya long Jerusalem.

Aesaea 5:5

Bae mi talem yufala wanem mi plan fo duim long plantesin ya. Bae mi brekemdaon fens wea hemi stap raonem, mekem olketa enemi an olketa animol i kam step long hem an spoelem.

Aesaea 52:1

(Profet) !Wekap, yufala pipol blong Jerusalem! !Strongim tingting blong yufala! !Mekem yufala seleva wetem taon ya holi fo Yawe! !Mekem yufala seleva wetem taon ya fo gudbaek moa! Olketa pipol hu i no klin long ae blong God, bae i no kam insaet long Jerusalem.

Lamentesin 1:10

Olketa hiden wea Yawe bin talem fo olketa mas no go insaet long Tambuhaos ya, Jerusalem hemi lukim wea olketa go insaet long tambuples, an stilim olketa tambu samting.

Esikiel 4:6

Taem yu kasem en long datfala taem, bae yu leidaon long raet saet blong yu, mekem yu tekem panis fo evri sin blong olketa long Jiuda. Bae yu duim olsem fo fotifala de, wea hemi minim fotifala yia nao bae olketa safa long panis wea mi givim long olketa.

Esikiel 42:20

Hemi mesarem bikfala open eria long evri saet, an ples ya hemi skuea, bikos evri saet blong hem hemi 250 mita. Disfala bikfala wol raonem eria ya hemi divaedem disfala ples wea hemi tambu tumas from ples wea hemi no tambu.

Daniel 12:7

Oraet, man ya hu hemi stap lelebet goap moa long riva hemi liftimap tufala han blong hem goap long heven, an hemi mekem wanfala strongfala promis long nem blong God hu hemi stap olowe. Mi herem hem tok olsem, “Bae olketa samting ya hemi gohed nomoa olsem fo tri an haf yia. Taem olketa pipol blong God i no garem moa paoa fo faet, bae taem ya blong trabol hemi jes finis.”

Daniel 7:19

Mi laek fo save long samfala samting moa abaotem mining blong mekfoa animol ya, wea hemi no olsem nara trifala ya. Bikfala aean tit an olketa bras fingganeil blong hem nao i mekem mi barava fraet fogud. Hemi gohed fo pisisim kaikai blong hem, an hemi step long olketa haf kaikai wea hemi foldaon long graon.

Daniel 7:25

God hemi barava hae tumas, bat king ya bae hemi tok agensim hem nomoa. An bae hemi mekem olketa pipol blong God fo safa tumas. Bae hemi trae fo sensim olketa spesol taem an olketa lo blong olketa. An olketa pipol blong God bae i stap andanit long paoa blong hem fo tri an haf yia.

Daniel 8:10

Hemi gohed fo kamap barava strong tumas, an hemi faetem ami blong heven, an nomata olketa sta long skae, hemi torowem kamdaon nomoa long graon, an hemi step nomoa long olketa.

Daniel 8:13

Mi herem wanfala enjel hemi askem go narafala enjel olsem, “?Fo hao long nao olketa samting ya wea God hemi somaot long spesol drim ya bae hemi finis? ?Fo hao long nao bae olketa nogud wei ya wea hemi sensim olketa sakrifaes blong olketa pipol blong God i gohed? ?Fo hao long nao bae smolfala hon ya hemi gohed fo step long olketa pipol blong God wetem Tambuhaos blong hem ya?”

Daniel 8:14

An mi herem narafala enjel ya hemi tok olsem, “Olketa nogud samting ya, bae hemi gohed fo 1,150 de, wea olketa pipol blong God i no save mekem olketa sakrifaes evri moning an evri ivining. An bihaen long disfala taem ya nao, Tambuhaos ya blong God bae hemi kamap holi moa.”

Nambas 14:34

Yufala mas safa from sin blong yufala fo fotifala yia, wea wanfala yia hemi makem wanfala de blong olketa fotifala de wea tuelfala man i go fo lukluk long datfala lan. !An long fotifala yia ya, bae yufala save dat mi les long yufala!’”

Matiu 27:53

Olketa goaot from olketa grev, an taem Jisas hemi laefbaek moa, olketa pipol ya wakabaot go insaet long Jerusalem nao an plande pipol lukim olketa.

Matiu 4:5

Nao Seitan hemi tekem Jisas go moa long Jerusalem. An hemi mekem hem fo stanap long wanfala ples wea hemi hae tumas antap long disfala Tambuhaos.

Matiu 5:13

“Yufala nao, yufala olsem solt fo olketa pipol long disfala wol. Bat yufala save, sapos solt hemi lusim strong blong hem, bae yu no save mekem hem fo gudbaek moa. An sapos hemi olsem, bae hemi no fit fo yusim fo enisamting nao ya. So bae olketa torowem nomoa long rod, an bae olketa pipol i step antap long hem.

Gudnius abaotem Jisas Kraes wea Luk hemi raetem 21:24

Samfala long olketa bae olketa kilim olketa dae wetem naef fo faet, an samfala moa bae olketa kasholem olketa an tekem olketa go long olketa deferen kantri. An olketa pipol wea olketa no Jiu, bae olketa nao i rul ovarem evri ples long Jerusalem go-go kasem en long taem blong olketa.”

Hibrus 10:29

?Sapos olsem, wanem nao bae hemi hapen long wanfala man sapos hemi lukdaon long San Blong God? !Bae bikfala panis moa hemi kasem man olsem ya! Blad blong Kraes wea hemi mekem spesol agrimen blong God fo kamtru, hem nao hemi bin mekem disfala man ya fo kamap holi long ae blong God. Bat disfala man ya hemi ting dat blad blong Kraes hemi samting nating nomoa, an hemi tokdaonem tu Holi Spirit hu hemi bin somaot kaenfala lav long hem.

Revelesin 11:11

Bat bihaen long tri an haf de ya, God hemi mekem win blong laef fo go insaet long tufala moa. An taem olketa pipol lukim tufala wakabaot moa, olketa barava fraet fogud nao.

Revelesin 11:3

An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”

Revelesin 12:6

An woman ya hemi ranawe go long wanfala drae eria, wea God hemi mekem redi wanfala ples fo hem. Long ples ya nao bae olketa lukaftarem hem gudfala fo 1,260 de.

Revelesin 21:10

Nao paoa blong Holi Spirit hemi kam long mi, an enjel ya hemi lidim mi go antap long wanfala bik maonten wea hemi hae fogud. Nao hemi som long mi Jerusalem, disfala bikfala Holi Taon wea hemi kamdaon from God long heven.

Revelesin 21:2

An mi lukim bikfala holi taon ya, niu Jerusalem. Mi lukim hemi stap wetem God an hemi kamdaon from heven. Taon ya hemi stap redi finis olsem gele wea bae hemi marit, wea hemi werem olketa nambawan kaleko blong hem an hemi redi fo maritim hasban.

Revelesin 22:19

An sapos eniwan hemi tekemaot samfala toktok from profesi blong disfala skrol ya, bae God hemi tekemaot from hem olketa gudfala samting wea disfala skrol ya hemi talem. Man ya bae hemi no save stap long bikfala Holi Taon ya, an hemi no save tekem eni frut blong tri blong laef.