Provebs 28:21 - Pijin Deuterocanon

²¹ Hemi no stret fo jaj hemi saetem wanfala man long kot, bat lelebet kaikai nomoa hemi save grisim samfala jaj.

Pijin Bible

²¹ Hemi no stret fo jaj hemi saetem wanfala man long kot, bat lelebet kaikai nomoa hemi save grisim samfala jaj.

Provebs 28:21 ပူးပေါင်းရင်းမြစ်များ

Eksodas 23:2

“Nomata plande long olketa pipol i duim olketa nogud samting, o talem olketa laea long kot ya, yufala mas no falom wei blong olketa ya.

Eksodas 23:8

Sapos wanfala nogud man hemi trae fo yusim seleni fo nila long yufala, mekem yufala saet wetem hem long kot, yufala mas no duim diswan. Disfala wei hemi save mekem olketa jaj olsem man hu hemi blaen, an olketa no save lukim wanem hemi stret, an mekem kot hemi panisim nomoa man hu hemi stret.

Provebs 18:5

I no stret fo saet wetem man hu hemi brekem lo. An i nating stret fo mekem man hu hemi no brekem lo no win long kot.

Provebs 24:23

Hem nao olketa waes toktok tu. Jaj hemi mas no saet wetem eni man long kot.

Esikiel 13:19

Yufala gohed nomoa fo spoelem nem blong mi long ae blong olketa pipol blong mi, an yufala tekem lelebet kaikai nomoa fo pei blong yufala. Yufala gohed fo laea long olketa pipol blong mi, nao olketa gohed fo bilivim yufala nomoa. Hemi olsem wea yufala kilim dae olketa hu mas no dae, an olketa hu i mas dae, yufala kipim olketa laef nomoa.

Hosia 4:18

Taem olketa drang finis long waen, olketa aftarem olketa woman prist. Olketa lida i nating duim nomoa samting fo mekem pipol tinghae long olketa, bikos olketa laekem tumas fo duim olketa ravis samting.

Maeka 3:5

!Yufala laea profet! Yufala gohed fo laea long olketa pipol blong yumi, an yufala gohed fo mekem olketa evriwan fo gorong. Taem eniwan hemi peim yufala, yufala promis olsem wea bae hemi garem piis. Bat taem eniwan hemi no peim yufala, yufala tok olsem bae no longtaem enemi hemi kam fo faetem olketa. Nao from samting ya, Yawe hemi tok olsem long yufala,

Maeka 7:3

Evri pipol i save tumas long hao fo duim olketa nogud samting. Olketa bikman i waka tugeta fo mekem olketa ravis plan. Oltaem olketa lida an olketa jaj i letem olketa pipol fo nilam olketa long seleni. Olketa bikman ya i fosim pipol fo duim nomoa wanem olketa laekem.

Leta wea Pol hemi raetem go long sios long Rom 16:18

Olketa pipol olsem, olketa no waka wetem Kraes Masta blong yumi, bat olketa falom nomoa ravis tingting blong olketa seleva. Olketa save yusim suit toktok an olketa save laea nomoa fo trikim olketa pipol hu i no savegud long wei blong olketa.

Diutronomi 1:17

An taem yufala jajem pipol, yufala mas jajem long stretfala wei nomoa an no teksaet wetem eniwan. Nomata man hemi bikman o hemi man nating, yufala mas no fraetem eniwan an gohed fo jajem evriwan nomoa long wei wea hemi fitim tingting blong God. An sapos wanfala trabol hemi bikfala tumas, an yufala no fit fo stretem, bae yufala mas tekem kam long mi, an bae mi stretem.’

2 Pita 2:3

An bikos olketa laea tisa laekem seleni tumas, bae olketa mekem enikaen laea tising fo tekem seleni blong yufala. Bat God hemi jajem olketa wei olsem finis, ya longtaem nao hemi jajem finis olketa laea tisa ya. Hemi redi olowe nomoa fo panisim olketa.