Provebs 27:6 - Pijin Deuterocanon

⁶ Yu save trastem fren hu hemi stretem yu, bat keakea long enemi hu hemi trae fo suit long yu.

Pijin Bible

⁶ Yu save trastem fren hu hemi stretem yu, bat keakea long enemi hu hemi trae fo suit long yu.

Provebs 27:6 ပူးပေါင်းရင်းမြစ်များ

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Provebs 10:18

Man heitem haed nara man, hemi mas laea, krangge man, tokspoelem nara man.

Provebs 20:30

Panisim man wetem stik o wip, bae hemi aotem wei nogud. Wipim man fo mekem laef blong hem stret.

Provebs 27:7

Yu kaikai tumas, bae yu les long wanem hemi suit. Yu hanggre tumas, bae yu laekem wanem hemi saoa.

Provebs 28:23

Tokstrong long man fo stretem hem, an bae hemi barava tinghae long yu. Talem suit toktok long hem nomoa, an hemi no tinghae long yu.

Hibrus 12:10

Olketa dadi blong yumi long wol ya, olketa stretem yumi fo sotfala taem nomoa, falom tingting blong olketa. Bat God hemi stretem yumi fo barava helpem yumi, mekem yumi save stap holi olsem hem seleva.

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.