Provebs 25:12 - Pijin Deuterocanon

¹² Taem waes man tok fo stretem man hu hemi save lisin, hemi olsem naesfala gol ring an sen.

Pijin Bible

¹² Taem waes man tok fo stretem man hu hemi save lisin, hemi olsem naesfala gol ring an sen.

Provebs 25:12 ပူးပေါင်းရင်းမြစ်များ

2 Samuel 1:24

!Olketa woman blong Israel, yufala krae long King Sol! Hem nao hemi bin givim olketa nambawan red kaleko long yufala, an hemi mekem yufala luknaes tumas long olketa barava spesol samting long gol.

Stori abaotem Job 28:17

Nomata gol o eni nambawan glas, waes tingting hemi gud tumas winim olketa. An no eniwan save sensim gudfala gol fo tekem waes tingting.

Stori abaotem Job 42:11

Evri brata blong Job wetem olketa sista blong hem, an olketa fren blong hem blong bifoa, i kam fo visitim hem. An olketa mekem wanfala bikfala kaikai long haos blong hem. Olketa talem dat olketa sore tumas long hem, an strongim moa tingting blong hem from olketa trabol wea Yawe bin mekem fo kasem hem. An olketa evriwan i givim silva seleni an wanfala gol ring long hem.

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Eksodas 32:2

Eron hemi tok olsem long olketa, “Oraet, yufala go an tekemaot olketa gol iaring from olketa waef blong yufala an olketa pikinini blong yufala, an tekem kam long mi.”

Eksodas 35:22

Olketa man an olketa woman tu hu i laek fo givim olketa samting go long Yawe, olketa tekem kam olketa naes samting wea olketa wakem long gol, olsem olketa smolfala huk fo putum long kaleko, an olketa iaring, an olketa ring, an olketa sen fo hangem long nek. Olketa liftimap olketa gol samting ya olsem ofaring fo somaot dat samting ya hemi blong Yawe an hemi tambu.

Provebs 15:5

Krangge pikinini hemi no lisin long dadi. Bat pikinini wea hemi lisin long dadi, hemi waes.

Provebs 20:12

Ae fo lukluk, an ia fo here, Yawe mekem tufala evriwan.

Provebs 9:8

No trae fo stretem man fo toknogud bae hemi heitem yu. Stretem waes man bae hemi lavem yu.

Eklesiastes 7:5

Hemi moabeta yu herem toktok blong waes man hu hemi stretem yu, winim yu lisin long singsing blong krangge man.

Esikiel 16:12

Mi putum wanfala ring long nous blong yu, an tufala iaring long ia blong yu. Mi tekem wanfala kraon wea hemi luk barava spesol fogud olsem blong kuin, an putum long hed blong yu.

Matiu 12:35

So gudfala man hu hemi garem gudfala tingting, hemi save duim olketa gudfala samting. Bat nogud man hu hemi garem ravis tingting, hemi save duim olketa ravis samting nomoa.