Provebs 18:5 - Pijin Deuterocanon

⁵ I no stret fo saet wetem man hu hemi brekem lo. An i nating stret fo mekem man hu hemi no brekem lo no win long kot.

Pijin Bible

⁵ I no stret fo saet wetem man hu hemi brekem lo. An i nating stret fo mekem man hu hemi no brekem lo no win long kot.

Provebs 18:5 ပူးပေါင်းရင်းမြစ်များ

Stori abaotem Job 34:19

Hemi no saet wetem olketa lida, an hemi no fevarem olketa risman winim olketa puaman, bikos hem nomoa hemi mekem olketa evriwan.

Sams 82:2

Nao hemi tok olsem long olketa, “Yufala mas no jajem olketa pipol long wei wea hemi no stret, an yufala mas no saet moa wetem olketa nogud pipol.

Eksodas 23:2

“Nomata plande long olketa pipol i duim olketa nogud samting, o talem olketa laea long kot ya, yufala mas no falom wei blong olketa ya.

Eksodas 23:3

An sapos wanfala puaman hemi go long kot, yufala mas no saet wetem hem fo helpem hem nomoa bikos hemi wanfala puaman.

Eksodas 23:6

“Yufala mas no ravem puaman long kot.

Provebs 17:15

Sapos jaj hemi letem man nogud hemi gofri, o mekem gudfala man hemi panis, Yawe hemi les long tufala wei ya.

Provebs 17:26

Hemi no stret fo panisim stretfala man. An hemi nogud fo wipim gudfala man.

Provebs 24:23

Hem nao olketa waes toktok tu. Jaj hemi mas no saet wetem eni man long kot.

Provebs 28:21

Hemi no stret fo jaj hemi saetem wanfala man long kot, bat lelebet kaikai nomoa hemi save grisim samfala jaj.

Provebs 31:5

Sapos olketa dring nomoa, bae olketa no save tingabaotem lo, an bae olketa no save helpem pua pipol fo garem raet blong olketa.

Aesaea 5:23

Long taem blong kot yufala mekem olketa pipol hu i duim olketa nogud samting fo go fri bikos olketa peim yufala fo duim diswan. An yufala mekem olketa stret pipol fo go long prisin taem yufala jajem olketa long kot.

Aesaea 59:14

Mifala farawe nao from stretfala wei fo jajem pipol, an wanem hemi stret, hemi nating save kam kolsap nao. Man nating save herem nao eni tru toktok, an wei wea man save laea tumas, hem nomoa hemi stap.

Levitikas 19:15

“Taem yufala jajem wantok long kot, yufala mas jajem hem long stretfala wei. Sapos puaman hemi go long kot, yufala no saetem hem tumas bikos hemi pua. An sapos risman hemi go long kot, yufala mas no tinghae tumas long hem bikos hemi risman. Yufala mas jajem tufala long sem wei nomoa.

Maeka 3:9

!Lisin kam long toktok blong mi, yufala lida blong Israel! Yufala les long stretfala wei fo jajem pipol. An yufala gohed fo sensim nomoa stretfala wei ya fo olketa ravis wei.

Maeka 7:3

Evri pipol i save tumas long hao fo duim olketa nogud samting. Olketa bikman i waka tugeta fo mekem olketa ravis plan. Oltaem olketa lida an olketa jaj i letem olketa pipol fo nilam olketa long seleni. Olketa bikman ya i fosim pipol fo duim nomoa wanem olketa laekem.

Matiu 22:16

So olketa sendem samfala disaepol blong olketa seleva wetem samfala man blong seksin blong King Herod, fo olketa go long Jisas an tok olsem long hem, “Tisa, mifala save dat yu wanfala stretfala man ya. An yu tisim tru samting abaotem wei blong God, an yu nating wari nomoa long enikaen tingting blong man.

Diutronomi 16:19

Olketa mas no falom wei wea hemi no stret. Olketa mas no saet wetem samfala man nomoa. Olketa mas no letem eniwan nilam olketa, bikos olketa nila i save mekem jaj hemi blaen nomata hemi waes, an hemi mekem jaj fo no tok stret long olketa kes.