Provebs 17:10 - Pijin Deuterocanon

¹⁰ Strong toktok save sensim man wea hemi garem gud tingting, bat nomata yu wipim krangge man wan handred taem, hemi no save sens.

Pijin Bible

¹⁰ Strong toktok save sensim man wea hemi garem gud tingting, bat nomata yu wipim krangge man wan handred taem, hemi no save sens.

Provebs 17:10 ပူးပေါင်းရင်းမြစ်များ

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Provebs 13:1

Waes pikinini lisin long dadi blong hem, bikhed pikinini no save lisin.

Provebs 15:5

Krangge pikinini hemi no lisin long dadi. Bat pikinini wea hemi lisin long dadi, hemi waes.

Provebs 17:11

Ravis man hemi laekem nomoa fo agensim gavman, so man wea hemi raf tumas bae hemi panisim hem nogud.

Provebs 17:9

Man hemi fogiv, hemi faendem lav. Man talem trabol moa, hemi lusim fren.

Provebs 19:25

Wipim man hu i mekfan long pipol, an man i no garem save bae lanem gudfala tingting. Tokstrong long man hu hemi garem save, bae hemi garem moa save.

Provebs 27:22

Nomata yu barava panisim krangge man tumas, yu no save aotem krangge wei blong hem.

Provebs 29:19

Nomata wakaman blong yu hemi smat, toktok nomoa no save stretem hem.

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.