Provebs 15:17 - Pijin Deuterocanon

¹⁷ Man hemi kaikai drae nomoa an filim lav, hemi lake moa winim man hemi kaikaim gudfala mit an filim heit.

Pijin Bible

¹⁷ Man hemi kaikai drae nomoa an filim lav, hemi lake moa winim man hemi kaikaim gudfala mit an filim heit.

Provebs 15:17 ပူးပေါင်းရင်းမြစ်များ

Provebs 16:8

Stretfala man wetem lelebet seleni, hemi lake moa winim ravis man wetem staka seleni.

Provebs 17:1

Lelebet drae kaikai long laef wea hemi kuaet, hemi moabeta winim plande kaikai blong fist long laef wea hemi garem raoa.

Provebs 21:19

I moabeta yu stap olowe long drae eria, winim yu stap tugeta wetem waef hu hemi kros an raoa olowe.

Eklesiastes 4:6

Hemi moabeta fo yumi waka lelebet an garem lelebet samting nomoa, winim yumi garem staka samting from yumi barava wakahad tumas olsem yumi aftarem nomoa win.

Matiu 22:4

So hemi sendem go moa samfala nara wakaman fo go talem olsem long olketa wea hemi bin askem olketa fo kam, ‘Kaikai hemi redi finis nao. King hemi kilim finis olketa bikfala buluka wetem olketa yangwan wea olketa fat fogud. So distaem evrisamting hemi redi nao. Yufala kam long fist blong marit ya.’

Gudnius abaotem Jisas Kraes wea Luk hemi raetem 15:23

An yufala go an kilim disfala nambawan buluka ya nao, mekem yumi mekem bikfala fist fo makem disfala taem blong hapi.

Filipae 2:1

Tingting blong yufala hemi kamap strong moa bikos yufala joen wetem Kraes an hemi lavem yufala. Yufala stapgud tugeta wetem Holi Spirit, an yufala kaen an filsore long olketa pipol.

1 Jon 4:16

So yumi barava save nao dat God hemi lavem yumi, an yumi biliv wea diswan hemi tru. Lav hemi stat kam from God. So eniwan hu hemi somaot lav olowe, hemi man hu hemi stap joen wetem God, an God hemi stap joen wetem hem.