Provebs 14:29 - Pijin Deuterocanon

²⁹ Man no save kros kuiktaem, hemi waes fogud. Man save kros kuiktaem, hemi krangge fogud.

Pijin Bible

²⁹ Man no save kros kuiktaem, hemi waes fogud. Man save kros kuiktaem, hemi krangge fogud.

Provebs 14:29 ပူးပေါင်းရင်းမြစ်များ

Provebs 14:17

Man fo kros kuiktaem, save mekem krangge samting, an olketa heitem man fo mekem ravis plan.

Provebs 14:28

Lida blong plande pipol, hemi garem hae nem. Lida blong tu-tri man, hemi samting nating nomoa.

Provebs 15:18

Man hemi kros kuiktaem, mekem raoa, bat man hemi save weit, mekem pipol kuaet.

Provebs 16:32

Man hemi no kros kuiktaem, hemi strong winim nambawan soldia. Man save kontrolem kros blong hem, hemi strong winim man hu hemi save kontrolem wanfala taon long faet.

Provebs 17:27

Man no toktok tumas, hemi waes. Man kuaet nomoa, hemi save.

Provebs 19:11

Yu waes, bae yu no save kros kuiktaem. Yu no wari long rong agensim yu, bae pipol tinghae long yu.

Provebs 25:28

Yu no save kontrolem kros, yu wik olsem taon wea i no garem wolston raonem.

Provebs 25:8

Taem yu lukim nogud samting, no hariap fo go long kot fo talemaot. Nogud nara man talemaot dat yu rong, an bae yu sem.

Provebs 4:8

Tinghae long waes toktok, an bae olketa mekhae long yu, holetaet long hem, an bae olketa tinghae long yu.

Eklesiastes 10:6

Oltaem olketa mekem olketa krangge man fo garem biknem, bat olketa tingdaonem olketa man hu i garem hae nem finis.

Eklesiastes 7:8

Taem man hemi finisim waka blong hem, hemi save hapi tumas winim taem wea hemi jes statem waka ya. Sapos haat blong yu hemi no save kros kuiktaem, hemi gud moa winim wea yu praod tumas.

Eklesiastes 7:9

Hemi nogud fo yu kros kuiktaem, bikos hem nao wei blong krangge man.

Nambas 12:3

Yu save, Mosis, hemi wanfala man wea hemi hambol tumas. No eni narafala man long wol hemi save hambol olsem hem.

Matiu 11:29

Yufala kam fo falom tising blong mi an letem mi lanem yufala, bikos mi ya, mi no save raf an mi no haemapem mi seleva. An bae yufala save faendem ples fo res long laef blong yufala ya.

Matiu 2:16

Taem Herod hemi save dat olketa man blong ist ya olketa bin trikim hem, hemi barava kros fogud nao. So hemi sendem olketa soldia blong hem fo go long Betlehem an long olketa nara ples long eria ya moa, an olketa kilim dae evri pikinini boe hu olketa kasem tufala yia nomoa an olketa smolwan go moa. Herod hemi duim olsem, bikos hemi falom disfala taem wea olketa man blong ist ya olketa talem olketa bin lukim sta long hem fastaem ya.

Jemes 1:19

Olketa gudfala fren blong mi, yufala mas save long diswan. Yufala mas wiling fo lisin, an yufala mas no kuiktaem fo tok an no kuiktaem fo kros.