Provebs 12:7 - Pijin Deuterocanon

⁷ Evri nogud man bae i lus, no eniwan bae stap. Evri gud man bae stap an laen blong hem bae kamap plande fogud.

Pijin Bible

⁷ Evri nogud man bae i lus, no eniwan bae stap. Evri gud man bae stap an laen blong hem bae kamap plande fogud.

Provebs 12:7 ပူးပေါင်းရင်းမြစ်များ

2 Samuel 7:16

Laen blong yu an kingdom blong yu, bae mi mekem hem fo stap strong olowe, an bae mi mekem samwan long laen ya fo king olowe. An olketa king blong yufala bae i rul fo evritaem olowe nao.’”

2 Samuel 7:26

mekem evriwan bae i gohed fo liftimapem nem blong yu olowe. Bae olketa save singaot olsem, ‘!Yawe hu hemi garem evri paoa, hemi God blong pipol blong Israel!’ An laen blong mi, Deved wakaman blong yu, bae hemi stap strong olowe long Israel.

Esta 9:14

So, king hemi givim narafala strongfala toktok wea hemi letem olketa fo duim moa wanem olketa bin duim finis long Susa, olsem wea Esta bin askem. An olketa man blong hem i go hangem bodi blong tenfala san ya blong Haman, mekem evri pipol save lukim.

Stori abaotem Job 11:20

Bat ae blong olketa nogud pipol bae i sat fogud nao. Bae olketa lukraon, bat olketa nating save hao fo lusim trabol. Wanfala samting nomoa bae olketa laekem tumas, olketa laek fo dae nomoa.

Stori abaotem Job 34:25

Hemi save finis long wei blong olketa bikman ya, so, hemi torowem olketa long naet, an hemi spoelem olketa nao.

Sams 37:10

No longtaem, bae olketa nogud pipol i lus. Nomata yu lukaotem olketa, bae yu no save faendem olketa.

Provebs 10:25

Komburu spoelem nogud man, bat gud man stanap strong olowe.

Provebs 11:21

Yu save, ravis man nao bae hemi panis, stretfala man nao bae hemi fri.

Provebs 12:8

Pipol tokhae long man hemi waes, bat tokdaon long man hu hemi garem ravis tingting.

Provebs 14:1

Waes woman hemi lukaftarem gud famili blong hem, bat krangge wei blong krangge woman i save spoelem.

Provebs 14:11

Haos blong man nogud, bae hemi brekdaon, bat haos blong gudfala man, bae hemi stap olowe.

Provebs 15:25

Yawe hemi spoelem haos blong man hu hemi strong tumas, bat hemi lukaftarem ples blong wido.