Provebs 11:23 - Pijin Deuterocanon

²³ Stretfala man laekem nomoa wanem hemi gud. Ravis man laekem nomoa wanem hemi mekem pipol kros.

Pijin Bible

²³ Stretfala man laekem nomoa wanem hemi gud. Ravis man laekem nomoa wanem hemi mekem pipol kros.

Provebs 11:23 ပူးပေါင်းရင်းမြစ်များ

Sams 10:17

Lod Yawe, mi save dat bae yu herem olketa pipol blong yu wea olketa narafala pipol i gohed fo spoelem olketa, an bae yu mekem tingting blong olketa fo kamap strong moa.

Sams 119:10

Long ful laef blong mi, mi laekem tumas fo falom yu. Plis yu helpem mi, mekem mi obeim olketa strongfala toktok blong yu.

Sams 119:5

Hemi gud tumas sapos mi stap strong olowe fo falom olketa lo blong yu.

Sams 27:4

Hem ya nomoa wanfala samting wea mi askem long Yawe. Mi laekem tumas fo stap long haos blong hem oltaem long laef blong mi, mekem mi gohed fo lukluk long olketa gudfala wei blong hem, an fo askem hem fo lidim mi olowe.

Sams 37:4

Yu mas faendem hapi blong yu long Yawe, an bae hemi givim yu olketa samting wea yu laekem tumas.

Provebs 10:28

Gud man weit long wanem hemi laekem, an bae hemi hapi, nogud man hemi weit nating nomoa.

Provebs 11:24

Givimaot fri long pipol, bae yu ris, kipim nomoa wanem yu mas givim, bae yu pua.

Provebs 11:7

Taem nogud man hemi dae, laek blong hem hemi lus, an evri hadwaka blong hem, hemi yusles.

Provebs 12:5

Stret man mekem stretfala plan, ravis man givim ravis advaes.

Provebs 13:2

Toktok blong gud man i mekem gud samting kamap, toktok blong konman i mekem ravis faet kamap.

Aesaea 26:9

Oltaem long naet, mi laekem yu tumas, an long eli moning, spirit blong mi hemi laekem tumas fo stap wetem yu. Taem yu jajem pipol long disfala wol, bae olketa lanem stretfala wei blong yu.

Jeremaea 17:16

Bat nomata olsem, yu savegud dat mi no bin les fo lukaftarem olketa pipol blong yu, an mi no laek fo yu mekem trabol fo kasem olketa. Evri toktok wea mi talem, yu save evriwan.

Matiu 5:6

Olketa hu i laekem tumas fo duim wanem God hemi laekem, olketa save hapi ya, bikos God bae hemi helpem olketa fo duim diswan.

Hibrus 10:27

An bae olketa save stap fraet nomoa an weitem God fo hemi kam fo panisim olketa, wea wanfala barava hot faea bae hemi kaikaim olketa enemi blong hem.