Nehemaea 9:35 - Pijin Deuterocanon

³⁵ Long taem wea olketa king blong olketa bin rul ovarem olketa, yu barava blesim olketa fogud, an olketa bin stapgud long bikfala lan wea yu givim long olketa, wea graon blong hem hemi gud tumas. Bat nomata olsem, olketa no falom stretfala wei blong yu, an olketa nating tanem tingting blong olketa from olketa ravis wei blong olketa.

Pijin Bible

³⁵ Long taem wea olketa king blong olketa bin rul ovarem olketa, yu barava blesim olketa fogud, an olketa bin stapgud long bikfala lan wea yu givim long olketa, wea graon blong hem hemi gud tumas. Bat nomata olsem, olketa no falom stretfala wei blong yu, an olketa nating tanem tingting blong olketa from olketa ravis wei blong olketa.

Nehemaea 9:35 ပူးပေါင်းရင်းမြစ်များ

Nehemaea 9:25

Olketa tekova long olketa taon wea i garem wolston raonem olketa, an olketa graon wea i gudfala tumas. Olketa tekem olketa haos wea i fulap long olketa gudfala samting, an olketa wel wea olketa pipol long lan bin digim finis, an olketa plantesin blong grep, an olketa plantesin blong oliv, an olketa narafala tri wea hemi garem plande gudfala frut long hem. Olketa save kaikaim staka kaikai ya go-go olketa kanduit kaikai moa, nao olketa kamap fat fogud. An oltaem olketa hapi tumas long olketa gudfala samting ya wea yu givim long olketa.

Nehemaea 9:34

Olketa king an olketa lida blong mifala, an olketa prist an olketa grani blong mifala bifoa, olketa bin gohed fo brekem lo blong yu. Olketa les fo lisin long olketa strong toktok an olketa woning blong yu.

Aesaea 63:7

(Profet) Bae mi talemaot abaotem wei wea Yawe hemi tinghevi olowe long yumi pipol blong hem. Bae mi preisim hem fo olketa gudfala samting wea hemi bin duim. Hemi somaot sore blong hem long yumi pipol blong Israel, an somaot tu lav blong hem wea hemi no save finis.

Jeremaea 5:19

Nao taem olketa askem yu olsem, ‘?Waswe nao Yawe duim olketa samting ya long yumi?’, bae yu tok olsem long olketa, ‘Bikos yufala bin gohed fo lusim hem, an yufala bin mekhae long olketa narafala god long lan blong yufala, nao bae yufala mas mekhae long olketa narafala pipol long lan wea hemi no blong yumi.’”

Esikiel 5:6

Nomata olsem, evri pipol blong Jerusalem i gohed fo agensim nomoa olketa strongfala toktok blong mi. Nogud wei blong olketa hemi barava nogud tumas moa winim wei blong pipol long olketa narafala kantri raonem olketa. Olketa nating obeim mi nao, an les nao long olketa toktok blong mi, an nating laekem nao fo falom olketa lo blong mi.

Diutronomi 28:47

“Taem Yawe hemi blesim yufala long plande samting, an yufala no barava hapi fo wosipim hem,

Diutronomi 28:48

oraet, bae yufala hanggre, an yufala barava dae fo wata, an yufala neket an sot long evrisamting. Hemi olsem bikos yufala bae mas duim waka blong olketa enemi blong yufala wea Yawe nao hemi sendem kam long yufala. Yawe bae hemi mekem yufala barava wakahad tumas go-go yufala evriwan i dae.

Diutronomi 31:21

So taem plande bikfala trabol hemi kasem olketa, bae disfala singsing ya, hemi olsem wanfala witnes blong mi fo somaot olketa ravis wei blong olketa, bikos olketa long laen blong Israel i no save fogetem disfala singsing. Nomata mi no tekem olketa yet long lan wea mi promisim long olketa, bat mi save finis long wanem bae olketa save duim bihaen.”