Nehemaea 7:72 - Pijin Deuterocanon

⁷² An olketa narafala pipol i givim 170 kilo gol, an 1,100 kilo silva, an 67 spesol kaleko fo olketa prist.

Pijin Bible

⁷² An olketa narafala pipol i givim 170 kilo gol, an 1,100 kilo silva, an 67 spesol kaleko fo olketa prist.

Nehemaea 7:72 ပူးပေါင်းရင်းမြစ်များ

2 Kings 22:14

Nao wanfala woman profet hemi stap, wea nem blong hem Hulda. An hasban blong hem hemi Salum. Salum hemi lukaftarem olketa kaleko blong Tambuhaos, an hemi san blong Tikva hu hemi san blong Hahas. Profet Hulda hemi stap kam long niufala seksin blong Jerusalem wea olketa kolem Mektu Eria. Hilkaea, an Ahikam, an Akboa, an Safan, an Asaea i go lukim Hulda, an talem evrisamting ya long hem.

Esra 3:1

Olketa pipol blong Israel wea i kambaek long lan blong olketa, i stapgud nao long olketa taon blong olketa. An taem mekseven mans long yia hemi kolsap kam, olketa evriwan i hipap tugeta long Jerusalem.

Nehemaea 10:28

“Mifala pipol blong Israel mekem disfala strong promis. Mifala olketa prist, an olketa Livaet, an olketa sekiuriti blong olketa geit, an olketa long kuaea blong Tambuhaos, an olketa wakaman long Tambuhaos, mifala evriwan laekem fo falom lo blong God, nao mifala no kaban wetem olketa blong narafala kantri wea i stap wetem mifala. An mifala wetem olketa waef an pikinini blong mifala wea i save minimgud disfala promis,

Nehemaea 7:71

Olketa narafala hed blong olketa famili i givim 170 kilo gol, an 1,200 kilo silva.

Nehemaea 7:73

Olketa prist, an olketa Livaet, an olketa sekiuriti long olketa geit blong Tambuhaos, an olketa long kuaea blong Tambuhaos, an olketa wakaman blong Tambuhaos, olketa ya wetem olketa narafala pipol i gobaek long olketa ples wea laen blong olketa bin stap long hem bifoa. Long taem wea hemi kolsap kasem mekseven mans blong yia ya, olketa long laen blong Israel i stap gud long olketa vilij blong olketa moa.