Nehemaea 12:35 - Pijin Deuterocanon

³⁵ Bihaen long olketa ya, samfala prist wea i gohed fo bloum olketa trampet, i wakabaot bihaen. An bihaen long olketa ya, Sekaraea, san blong Jonatan, hemi wakabaot. Laen blong hem nao hemi olsem: Jonatan, Semaea, Matanaea, Mikaea, Sakua, Asaf.

Pijin Bible

³⁵ Bihaen long olketa ya, samfala prist wea i gohed fo bloum olketa trampet, i wakabaot bihaen. An bihaen long olketa ya, Sekaraea, san blong Jonatan, hemi wakabaot. Laen blong hem nao hemi olsem: Jonatan, Semaea, Matanaea, Mikaea, Sakua, Asaf.

Nehemaea 12:35 ပူးပေါင်းရင်းမြစ်များ

1 Kronikols 25:2

Fas grup hemi garem fofala san blong Asaf olsem: Sakua, an Josef, an Netanaea, an Asarela. Olketa nao i waka andanit long Asaf. Olketa gohed fo dans an singsing fo preisim God long taem wea king hemi talem.

2 Kronikols 13:12

!God hemi stap wetem mifala! Hem nomoa hemi lida blong mifala. Olketa prist blong hem bae i redi fo bloum olketa trampet fo kolem mifala kam fo faetem yufala. !Yufala man blong Israel, yufala mas no faet agensim Yawe hu hemi God blong olketa olfala grani blong yufala! !Yufala no save win!”

2 Kronikols 5:12

An evri Livaet wea i save pleim miusik i werem olketa nambawan waet kaleko, an olketa stanap kolsap long olta long saet long ist. Olketa nao i trifala laen long Asaf, an Heman, an Jedutun. Olketa gohed fo pleim olketa simbol, an olketa kaen gita. An 120 prist tu, olketa gohed fo bloum olketa trampet.

Nehemaea 11:17

Matanaea, san blong Mika, wea laen blong hem hemi olsem: Sabdi, Asaf. Matanaea ya, hemi lida long kuaea long Tambuhaos blong God, fo singim prea fo talem tengkiu long hem. Bakbukaea, hu hemi mektu lida long kuaea ya. Abda, san blong Samua, wea laen blong hem hemi olsem: Galal, Jedutun.

Nehemaea 12:36

Olketa wantok blong hem wea nem blong olketa, Semaea, an Asarel, an Milalae, an Gilalae, an Maae, an Netanel, an Jiuda, an Hanani, olketa bihaenem hem. Olketa ya i gohed fo pleim nao olketa samting fo mekem miusik, olsem King Deved, man blong God bifoa, hemi bin tisim olketa Livaet fo yusim. Prist Esra, hu hemi tisa long Lo blong God, hemi wakabaot long frant long disfala grup.

Josua 6:4

Bae sevenfala prist nao i holem an bloum trampet fo maas go frant long olketa prist wea i karim Tambu Boks long Spesol Agrimen blong mi. Long mekseven de, bae yufala maas raonem taon ya sevenfala taem. An long taem ya, bae olketa prist ya mas gohed fo bloum trampet blong olketa.