Nambawan Singsing 5:6 - Pijin Deuterocanon

⁶ So, mi openem doa fo hemi kam insaet. Bat wea, hemi go finis nao. Mi laekem tumas fo dae nomoa taem mi no herem voes blong hem. Mi lukaotem hem, bat mi nating faendem hem. Mi singaot fo hem, bat hemi nating ansa.

Pijin Bible

⁶ So, mi openem doa fo hemi kam insaet. Bat wea, hemi go finis nao. Mi laekem tumas fo dae nomoa taem mi no herem voes blong hem. Mi lukaotem hem, bat mi nating faendem hem. Mi singaot fo hem, bat hemi nating ansa.

Nambawan Singsing 5:6 ပူးပေါင်းရင်းမြစ်များ

Jenesis 42:28

Nao hemi tok olsem long olketa, “!Ei, olketa! !Olketa givimbaek nomoa seleni blong mi ya! Hemi stap nomoa wetem olketa kaikai ya insaet long baeg blong mi.” Tingting blong olketa i nogud nao, bikos olketa fraet fogud. So olketa gohed fo askem olketa seleva olsem, “?Wanem nao God hemi gohed fo duim long yumi ya?”

2 Samuel 16:10

Bat king hemi ansa olsem, “!Yutufala san blong Seruia no wari long samting ya! ?Sapos hemi tokspoelem mi bikos Yawe hemi bin talem hem fo duim, hu nao hemi garem raet fo stopem?”

Sams 28:1

Lod Yawe, mi krae go long yu bikos yu nao yu strongfala sef ples blong mi, plis yu herem kam krae blong mi. Sapos nomoa, bae mi dae nao ya.

Sams 30:7

Bat yu bin gud tumas long mi, an yu bin gadem mi olsem wanfala strongfala wolston wea hemi stap raonem mi. Bat taem yu haedem fes blong yu from mi, mi barava fraet fogud.

Sams 69:3

Mi gohed fo kolem yu fo helpem mi, go-go mi taet fogud nao, an trot blong mi hemi soa tu. Mi lukluk go long yu fo kam an helpem mi, go-go ae blong mi hemi soa nao.

Sams 77:3

Taem mi tingting long God mi krae. an tingting blong mi hemi barava wikdaon nao.

Sams 80:4

Lod Yawe, yu nao yu God hu hemi garem evri paoa. ?Fo hao long nao bae yu kros an no ansarem olketa prea blong mifala?

Provebs 1:28

Bae yufala kolem mi, bat mi no herem. Bae yufala lukaotem mi, bat yufala no faendem mi.

Nambawan Singsing 5:2

Taem mi slip, mi gohed fo tingim nomoa daling blong mi ya. Mi drim wea mi lukim hem, hemi gohed fo noknok kam long doa blong mi. !Lisin kam! Hemi kol kam olsem long mi, “!Openem doa, daling blong mi! Yu barava luknaes tumas long mi, an yu barava gud nao. Plis yu letem mi kam insaet. Hed blong mi hemi tuwet nao long wata blong naet, an hea blong mi hemi tuwet finis long hem.”

Nambawan Singsing 5:4

Daling blong mi hemi putum han blong hem gotru long hol blong doa ya, mekem bele blong mi hemi filnaes tumas.

Nambawan Singsing 6:1

Talem mifala, yu hu yu barava luknaes tumas winim evri narafala woman. ?Wea nao man blong yu hemi go? Yu talem kam ples wea hemi go long hem, mekem mifala save helpem yu fo faendem hem.

Aesaea 12:1

(Profet) !Olketa pipol blong mi! Long taem ya, olketa laen blong yumi bae i singim wanfala singsing wea toktok long hem hemi olsem, “!Yawe! !Mi preisim yu! Bifoa, yu bin kros long mi, bat distaem, kros blong yu ya hemi finis nao, an yu mekem mi filgud moa.

Aesaea 50:2

?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Aesaea 57:16

Bae mi no save agensim yufala o kros long yufala, bikos sapos mi gohed fo duim olsem, bae yufala kamap wik. Ya, yufala wea mi bin givim laef long yufala, bae i dae.

Aesaea 58:2

Evri de, olketa kam fo wosipim mi, an olketa talem dat olketa laekem tumas fo save long olketa wei blong mi, an fo falom olketa lo blong mi. Olketa trae fo luk olsem pipol wea i laekem tumas fo mi helpem olketa long stretfala wei blong mi, an fo mi stap wetem olketa.

Aesaea 8:17

Distaem Yawe hemi haedem finis fes blong hem from yumi olketa laen blong Jekob, bat nomata olsem, bae mi weitem hem. Ya, bae mi barava dipen long hem.

Lamentesin 3:8

Nomata mi kraeaot go long hem, bat hemi les fo lisin long prea blong mi.

Hosia 5:15

Ya, bae mi gobaek long ples blong mi fo lusim olketa, go-go olketa luksave dat olketa seleva nao i rong, an olketa kam moa fo lukaotem mi. Taem olketa barava filnogud tumas olsem, bae olketa traehad fo lukaotem mi.”

Hosia 5:6

Nomata olketa tekem kam olketa sipsip an olketa buluka fo sakrifaesim kam long Yawe, bat bae olketa no save faendem hem, bikos hemi lusim olketa finis.

Sekaraea 7:13

Taem mi bin kol aot long olketa, olketa les fo lisin. So taem olketa kol aot kam long mi, mi tu mi les fo lisin long olketa.

Matiu 26:75

An Pita hemi tingimbaek toktok blong Jisas bifoa nao wea hemi sei, “Taem kokorako hemi no krae yet, bae trifala taem nao yu talem yu nating save long mi.” So Pita hemi go aotsaet an hemi gohed fo krae bikfala nao.

Gudnius abaotem Jisas Kraes wea Mak hemi raetem 14:72

Bat semtaem nomoa, kokorako hemi krae mektu taem moa. An taem ya nao Pita hemi tingimbaek toktok blong Jisas bifoa, wea hemi sei long hem, “Taem kokorako hemi no krae mektu taem yet, bae trifala taem nao yu talem yu nating save long mi.” So Pita hemi filnogud long hem nomoa an hemi krae fogud nao.

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.

1 Samuel 28:6

So hemi prea go long Yawe an askem hem wanem fo duim. Bat Yawe hemi nating ansarem hem. No eni ansa hemi kamaot long drim, o long prist, o long profet.