Nambawan Singsing 4:11 - Pijin Deuterocanon

¹¹ Daling blong mi, lip blong yu hemi suit olsem hani, an tang blong yu hemi suit olsem milk wetem hani. Kaleko blong yu hemi smel naes tumas, olsem naes smel blong sida tri ya long Lebanon.

Pijin Bible

¹¹ Daling blong mi, lip blong yu hemi suit olsem hani, an tang blong yu hemi suit olsem milk wetem hani. Kaleko blong yu hemi smel naes tumas, olsem naes smel blong sida tri ya long Lebanon.

Nambawan Singsing 4:11 ပူးပေါင်းရင်းမြစ်များ

Jenesis 27:27

An taem hemi kam fo kisim dadi blong hem, dadi blong hem hemi smel save nao long kaleko blong hem ya, an hemi blesim hem nao. Hemi tok olsem, “Pikinini blong mi, naes smel long kaleko blong yu hemi gud tumas, olsem smel blong wanfala gaden wea Yawe hemi blesim.

Sams 19:10

Mi laekem tumas olketa toktok blong Yawe bikos hemi moabeta long staka seleni, an hemi suit moa winim hani.

Sams 45:8

Olketa gohed fo putum insens an oel wea i smel naes long kaleko blong yu. Olketa man i pleim miusik fo mekem yu hapi, insaet long olketa gudfala haos blong yu wea i barava luk spesol fogud.

Sams 92:13

Ya, bae olketa stap olowe insaet long Tambuhaos blong Yawe. An bae olketa garem gudfala laef long Tambuhaos blong God.

Provebs 16:24

Toktok wea hemi barava kaen, hemi olsem hani. Yu kaikaim, hemi suit an mekem yu filstrong.

Provebs 5:2

Sapos yu duim olsem, bae yu save falom gudfala tingting, an tok blong yu bae somaot dat yu garem save.

Provebs 5:3

Maos blong woman hu hemi laek fo durong hemi suit olsem suga, an kis blong hem hemi naes tumas,

Nambawan Singsing 4:10

Daling, yu nao braed blong mi. Lav blong yu fo mi hemi suit tumas winim nambawan waen, an mi laekem tumas smel blong yu winim nambawan insens.

Nambawan Singsing 4:3

Tufala lip blong yu hemi red fogud. Ya, maos blong yu hemi barava luknaes. Nomata pis kaleko ya hemi satem fes blong yu, bat mi luksave nomoa wea fes blong yu hemi luknaes tumas.

Nambawan Singsing 5:1

Daling, yu nao braed blong mi. Mi kam finis insaet long disfala gaden blong mi. Mi tekem nao wata blong maa tri wetem olketa lif wea hemi garem gudfala smel. Mi hapi tumas fo kaikaim gudfala hani blong mi. Mi dringim nao disfala waen an milk blong mi. Tufala fren, yutufala gohed fo kaikaim tugeta olsem, an gohed fo dring tugeta olsem, go-go yutufala i barava fulap long lav blong yutufala.

Nambawan Singsing 5:13

Fes blong hem hemi naes tumas, olsem gaden wea hemi fulap long olketa tri wea lif blong olketa hemi garem gudfala smel. An maos blong hem hemi fil naes fogud olsem barava naes flaoa wea hemi tuwet long wata blong maa tri.

Nambawan Singsing 7:9

Ya, bae kis blong yu tu hemi suit, olsem barava nambawan waen. Oraet, letem suit waen ya hemi randaon stret go long maos blong daling blong mi, fo hemi watarem lip blong hem an tit blong hem.

Aesaea 7:15

Taem pikinini ya hemi stat fo save long wanem hemi gud an wanem hemi nogud, hemi kaikaim nomoa hani an milk. Long datfala taem hemi smol boe yet ya.

Hosia 14:2

Tanem tingting blong yufala an kambaek moa long Yawe. Yufala mas prea olsem long hem, “O Yawe. Plis yu lisin kam long prea blong mifala an aotem olketa sin blong mifala. An bae mifala preisim yu fo hemi olsem sakrifaes go long yu.

Hibrus 13:15

So from wanem Jisas hemi duim fo yumi, yumi mas mekhae long God oltaem an talemaot dat hemi Masta blong yumi. Long wei ya nao, wei blong yumi fo preisim hem hemi olsem sakrifaes long God.