Nambawan Singsing 1:2 - Pijin Deuterocanon

² Daling blong mi, mi laekem tumas fo yu gohed nomoa fo kisim mi. Lav blong yu fo mi hemi barava suit tumas winim nambawan waen.

Pijin Bible

² Daling blong mi, mi laekem tumas fo yu gohed nomoa fo kisim mi. Lav blong yu fo mi hemi barava suit tumas winim nambawan waen.

Nambawan Singsing 1:2 ပူးပေါင်းရင်းမြစ်များ

Jenesis 29:11

Bihaen, hemi go kisim Resel an long sem taem nomoa hemi krae nao bikos hemi hapi tumas.

Jenesis 45:15

Nao hemi go holem olketa narafala brata blong hem, an hemi kisim olketa, an hemi gohed fo krae. Bihaen, olketa brata blong hem ya i stat fo toktok wetem hem nao.

Sams 2:12

Hemi gud wea yufala i barava tinghae long Yawe, an yufala mas baodaon long san blong hem. Sapos nomoa, bae hemi kros, an no long taem bae yufala dae nao ya. Evriwan wea i go long hem fo hemi gadem olketa, olketa nao i hapi. (Singsing blong Deved. Hemi mekem bihaen long taem ya wea hemi ranawe from san blong hem Absalom hu hemi laek fo kilim hem dae.)

Sams 36:7

God, wei blong yu fo lavem pipol olowe, hemi barava gudfala tumas. Mifala faendem sefples long yu olsem wea pikinini blong kokorako hemi faendem sefples andanit long wing blong mami blong hem.

Nambawan Singsing 1:4

Yu olsem king blong mi nao. Plis yu tekem mi. Yumitufala kuiktaem go fo stap insaet long rum blong yu. Bae yumitufala barava hapi tumas, bikos mi barava lavem yu an yu lavem mi tumas winim evrisamting long disfala wol. Hemi fitim fo evri gele nomoa save laekem yu.

Nambawan Singsing 2:4

Yu tekem mi go long haos fo wanfala fist, an yu kavarem mi long lav blong yu.

Nambawan Singsing 4:10

Daling, yu nao braed blong mi. Lav blong yu fo mi hemi suit tumas winim nambawan waen, an mi laekem tumas smel blong yu winim nambawan insens.

Nambawan Singsing 5:16

Toktok blong hem hemi suit tumas Mi barava lavem hem tumas. Olketa woman blong Jerusalem, hem nao daling blong mi. Hem nao fren blong mi.

Nambawan Singsing 7:12

Bae yumitufala getap eli long moning, an go long olketa plantesin long grep tri fo lukim sapos olketa stat fo garem niu lif long hem, an flaoa blong olketa i open yet. An fo lukim tu sapos olketa pomegranet tri i stat fo garem flaoa long hem. Long ples ya nao, bae mi givim mi seleva fo yu.

Nambawan Singsing 7:6

Yu barava luknaes an mi laekem yu tumas. Disfala lav blong yu fo mi, hemi mekem mi barava hapi an filgud tumas.

Nambawan Singsing 7:9

Ya, bae kis blong yu tu hemi suit, olsem barava nambawan waen. Oraet, letem suit waen ya hemi randaon stret go long maos blong daling blong mi, fo hemi watarem lip blong hem an tit blong hem.

Aesaea 25:6

(Profet) Long Tambu Maonten long Saeon, Yawe hu hemi garem evri paoa, bae hemi redim wanfala bikfala fist fo evri pipol long wol. An bae hemi redim olketa barava nambawan kaikai, an olketa barava nambawan waen.

Matiu 26:26

Nao taem olketa gohed fo kaikai, Jisas hemi holem wanfala bred an hemi talem tengkiu long God an hemi brekem. Nao hemi givim go long olketa disaepol an hemi sei, “Yufala tekem an kaikaim, hem ya nao bodi blong mi.”

Gudnius abaotem Jisas Kraes wea Luk hemi raetem 15:20

So hemi lusim ples ya an hemi gobaek nao long dadi blong hem. “Bat taem hemi ka-kam farawe yet, dadi blong hem hemi lukim hem, an hemi sore tumas long san blong hem nao. So hemi ran go fo mitim hem, an hemi putum han blong hem raonem hem an hemi kisim hem.

Aposol 21:7

Nao sip ya hemi sel goaot from Taea an go-go mifala kam kasem taon long Tolemes nao. So mifala go lukim olketa Kristin, an mifala stap wetem olketa fo wanfala de.

1 Pita 5:14

Nao taem yufala talem halo long yufala evriwan, hemi gud fo yufala kisim yufala long wei blong tru Kristin brata o sista fo somaot dat yufala lavem yufala tumas. Letem piis hemi stap wetem yufala evriwan hu i stap joen wetem Kraes.