Nambawan Singsing 1:12 - Pijin Deuterocanon

¹² King blong mi, taem yu leidaon long longfala sea blong yu, oel wea hemi smel naes long bodi blong mi hemi fulumapem rum ya nao.

Pijin Bible

¹² King blong mi, taem yu leidaon long longfala sea blong yu, oel wea hemi smel naes long bodi blong mi hemi fulumapem rum ya nao.

Nambawan Singsing 1:12 ပူးပေါင်းရင်းမြစ်များ

Sams 45:1

Taem mi wakem disfala singsing blong king, tingting blong mi hemi fulap long olketa gudfala toktok. Tang blong mi hemi redi nomoa fo singsing, olsem pensel blong man wea hemi save raet gudfala tumas taem hemi raet long pepa.

Nambawan Singsing 1:11

Bae mi wakem iaring long gol fo yu wea mi dekoretem long lelebet silva.

Nambawan Singsing 7:5

Taem mi lukim hed blong yu, mi tingim disfala hae maonten long Kaamel wea hemi luknaes tumas. Hea blong yu hemi blak an hemi saen fogud. Nomata wanfala king save dae nomoa fo yu taem hemi lukim hea blong yu, bikos hemi barava luknaes fogud.

Matiu 22:11

“Nao king hemi kam fo lukim evriwan wea olketa kam long fist ya. An hemi lukim wanfala man hu hemi werem kaleko wea hemi nating fit fo werem long taem blong fist blong marit.

Matiu 22:4

So hemi sendem go moa samfala nara wakaman fo go talem olsem long olketa wea hemi bin askem olketa fo kam, ‘Kaikai hemi redi finis nao. King hemi kilim finis olketa bikfala buluka wetem olketa yangwan wea olketa fat fogud. So distaem evrisamting hemi redi nao. Yufala kam long fist blong marit ya.’

Matiu 25:34

An bihaen moa, mi disfala King, bae mi tok olsem long olketa pipol hu olketa stap long raetsaet blong mi, ‘Yufala nao wea Dadi blong mi hemi blesim yufala, yufala kam an tekem olketa samting long kingdom long Heven, wea hemi mekredi long hem finis fo yufala taem hemi stat fo mekem disfala wol.

Gudnius abaotem Jisas Kraes wea Mak hemi raetem 14:3

Long taem ya, Jisas hemi stap long Betani long haos blong Saemon wea hemi bin garem ravis sik blong skin bifoa. Nao taem hemi gohed fo kaikai, wanfala woman hemi kam long hem. Woman ya hemi tekem kam wanfala nambawan botol blong oel wea hemi smelgud tumas an wea hemi dia tumas tu. An hemi openem botol ya, an kapsaetem oel antap long hed blong Jisas nao.

Gudnius abaotem Jisas Kraes wea Jon hemi raetem 12:3

Nao Meri hemi tekem kam wanfala botol wea hemi fulap long oel wea hemi smelgud tumas, an wea hemi dia tumas tu. An Meri hemi kapsaetem oel ya go long tufala lek blong Jisas, an hemi mekem drae moa wetem longfala hea blong hem. An haos ya hemi fulap long gudfala smel blong disfala oel ya nao.

Filipae 4:18

Mi kasem plande samting nao winim wanem mi barava nidim. Distaem Epafrodaetas hemi givim mi wanem yufala sendem kam wetem hem, so mi no sot long enisamting. Diswan hemi olsem wanfala sakrifaes wea hemi smel naes tumas an God hemi laekem an hapi tumas long hem.

Revelesin 3:20

Yufala save, mi stanap aotsaet long doa, an mi gohed fo noknok. Nao sapos wanfala man hemi herem toktok blong mi an hemi openem doa fo mi, bae mi kam insaet long haos blong hem, an bae mitufala kaikai tugeta.