Nambawan Singsing 1:10 - Pijin Deuterocanon

¹⁰ Olketa iaring blong yu wea hemi hangdaon long fes hemi luknaes tumas, an nekles wea hemi stap raonem nek blong yu hemi barava luknaes tu.

Pijin Bible

¹⁰ Olketa iaring blong yu wea hemi hangdaon long fes hemi luknaes tumas, an nekles wea hemi stap raonem nek blong yu hemi barava luknaes tu.

Nambawan Singsing 1:10 ပူးပေါင်းရင်းမြစ်များ

Jenesis 24:22

Nao taem olketa kamel ya i dring finis, man ya hemi tekemaot wanfala gol ring wea hevi blong hem hemi faefala gram, nao hemi hangem go long nous blong gele ya. An hemi tekemaot tufala gol sen wea hevi blong tufala i 100 gram, nao hemi putum go long han blong hem.

Jenesis 24:47

Nao mi askem hem olsem, ‘?Hu nao nem blong dadi blong yu?’ An hemi tok olsem, ‘Nem blong dadi blong mi nao Betuel. Hemi pikinini blong Nehoa an Milka.’ So mi hangem go ring ya long nous blong hem, an mi putum go tufala gol sen ya long han blong hem.

Jenesis 24:53

Nao hemi tekemaot olketa barava spesol kaleko, an olketa nekles wea olketa wakem long silva an long gol, wea olketa bin karim kam, an hemi givim olketa go long gele ya. An hemi karim olketa narafala samting tu wea praes blong olketa hemi bikfala fogud, nao hemi givim go long brata blong gele ya an mami blong hem.

Jenesis 41:42

Nao king hemi tekemaot wanfala spesol ring long fingga blong hem wea hemi gohed fo yusim oltaem fo putum mak blong hem long leta, nao hemi putum go long fingga blong Josef. An hemi tekem wanfala nambawan waet kaleko fo hemi werem, an hemi hangem wanfala gol sen long nek blong hem.

Provebs 1:9

Olketa tising ya bae helpem yu, mekem laef blong yu kamap gud moa, olsem barava spesol hat long hed blong yu, o naes nekles long nek blong yu.

Nambawan Singsing 1:11

Bae mi wakem iaring long gol fo yu wea mi dekoretem long lelebet silva.

Nambawan Singsing 4:9

Daling, yu nao braed blong mi. Taem mi luk long ae blong yu an mi lukim nekles ya raonem nek blong yu, yu barava pisisim haat blong mi nao.

Nambawan Singsing 5:13

Fes blong hem hemi naes tumas, olsem gaden wea hemi fulap long olketa tri wea lif blong olketa hemi garem gudfala smel. An maos blong hem hemi fil naes fogud olsem barava naes flaoa wea hemi tuwet long wata blong maa tri.

Aesaea 61:10

Bae olketa pipol blong Jerusalem i tok olsem, “Long evri tingting blong mifala, mifala hapi tumas dat Yawe hemi God blong mifala. Wei wea hemi sevem mifala an mekem mifala fo falom stretfala wei blong hem, hemi mekem mifala hapi fogud, an mifala i olsem nao boe an gele hu i werem spesol kaleko an redi fo marit.

Nambas 31:50

So mifala laek fo givim ofaring go long Yawe. Taem mifala faet longwe, mifala tekem plande deferen kaen gol ring an nekles, an sen, an iaring. Mifala laek fo givim olketa samting ya go long Yawe, fo peimaot olketa laef blong mifala bikos mifala nating dae long faet.”

1 Pita 3:4

Bat wanem hemi stap insaet long maen blong yufala nao hemi save mekem yufala fo luknaes tumas. Diswan nao hemi save stap olowe, bikos hemi stap long laef wea hemi hambol an kuaet. An long ae blong God, laef olsem nao hemi barava lukgud tumas long hem.