Nambas 35:30 - Pijin Deuterocanon

³⁰ “Sapos eniwan hemi kilim dae narafala man, datfala man hemi mas dae tu. Bat yufala mas garem olketa witnes fo talemaot olsem samting ya hemi tru o nomoa, mekem yufala jajem man olsem hemi mas dae. Nao sapos wanfala man nomoa hemi witnes agensim datfala man, toktok blong hem hemi no naf fo yufala jajem datfala man olsem hemi mas dae.

Pijin Bible

³⁰ “Sapos eniwan hemi kilim dae narafala man, datfala man hemi mas dae tu. Bat yufala mas garem olketa witnes fo talemaot olsem samting ya hemi tru o nomoa, mekem yufala jajem man olsem hemi mas dae. Nao sapos wanfala man nomoa hemi witnes agensim datfala man, toktok blong hem hemi no naf fo yufala jajem datfala man olsem hemi mas dae.

Nambas 35:30 ပူးပေါင်းရင်းမြစ်များ

Eksodas 21:12

Yawe hemi gohed fo tok olsem, “Eniwan hu hemi hitim nogud narafala man an kilim hemi dae, bae yufala mas kilim hem dae tu.

Levitikas 24:17

“An sapos eniwan hemi kilim dae narafala man falom ravis plan, yufala mas kilim hem dae.

Nambas 35:16

“Sapos eniwan hemi holem enisamting fo faet wea olketa wakem long aean, o ston, o timba, an hemi kilim dae narafala man, datfala man hemi man fo kil, an yufala mas kilim hem dae. An wantok blong man hu hemi dae, hem nao mas kilim hem dae taem hemi kasem hem.

Nambas 35:31

“Sapos eniwan hemi kilim dae narafala man, yufala mas kilim hem dae. An yufala no save tekem eni seleni fo peimaot laef blong hem mekem hem gofri.

Matiu 18:16

Bat sapos hemi no wiling fo herem yu, yu mas gobaek long hem long mektu taem moa, an yu mas askem wanfala o tufala man moa fo go wetem yu, bikos Buktambu hemi sei, ‘Taem eniwan hemi ripotem nara man, tu-tri pipol nao mas stap fo witnes long wanem hemi talem.’

Gudnius abaotem Jisas Kraes wea Jon hemi raetem 7:51

“Bat Lo blong yumi hemi sei yumi no save jajem eniwan sapos yumi no heremgud fastaem wanem hemi talemaot, mekem yumi savegud long samting hemi bin duim.”

2 Korin 13:1

Diswan hemi mektri taem wea bae mi go kasem yufala. An Buktambu hemi sei, “Taem eniwan hemi ripotem nara man, tu-tri pipol mas stap fo witnes long wanem hemi talem.”

Diutronomi 19:15

Nao Mosis hemi gohed fo tok olsem, “Yufala no save mekem kot long man sapos wanfala man nomoa hemi talemaot rong blong hem. Tu-tri man mas witnes long rong wea man hemi duim bifoa yufala kotem hem.

Diutronomi 27:24

“Trabol bae kasem eniwan hu hemi kilim dae wantok blong hem an hemi haedem.’ “An olketa pipol mas ansa olsem, ‘!Hem tru ya!’

1 Timoti 5:19

Yu no lisin long eni toktok agensim wanfala lida long sios, sapos wanfala man nomoa hemi talem. Tufala o trifala man nao i mas kam fo ripotem samting long yu fastaem.

Hibrus 10:28

Long bifoa, sapos eniwan hemi brekem Lo blong Mosis, an tufala o trifala pipol i talemaot rong blong hem, olketa kilim hem dae, an no eniwan hemi filsore long hem.

Revelesin 11:3

An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”