Nambas 34:11 - Pijin Deuterocanon

¹¹ an hemi go moa long Ribla, narasaet long Aen long ist, an bae hemi go long olketa maonten long saet blong Leik Galili long ist.

Pijin Bible

¹¹ an hemi go moa long Ribla, narasaet long Aen long ist, an bae hemi go long olketa maonten long saet blong Leik Galili long ist.

Nambas 34:11 ပူးပေါင်းရင်းမြစ်များ

2 Kings 23:33

King Neko blong Ijip hemi kasholem hem an tekem hem go long Ribla, wanfala taon long eria long Hamat. Hemi putum olketa sen long lek blong hem long prisin, mekem hem no save rul olsem king moa long Jiuda. Den King Neko hemi fosim pipol blong Jiuda fo givim hem 3,400 kilo silva, an 34 kilo gol.

2 Kings 25:6

Olketa kasholem hem an tekem hem go long King Nebukadnesa wea hemi stap long taon long Ribla. Long ples ya, King Nebukadnesa hemi jajem hem, an talemaot panis blong hem.

Jeremaea 52:10

So olketa kilim dae olketa san blong Sedekaea, an fosim hem fo lukim. An olketa kilim dae tu olketa bikman blong Jiuda.

Jeremaea 52:9

Olketa kasholem hem an tekem hem go long King Nebukadnesa wea hemi stap long lan long Hamat farawe long not, long taon long Ribla. Long ples ya, King Nebukadnesa hemi jajem hem, an talemaot panis blong hem.

Nambas 34:10

“An long ist, spialaen ya hemi stat long Hasarenan, an hemi go long saot, fo go kasem Sefam,

Nambas 34:12

An bae hemi falom saet blong Jodan Riva long ist, fo go long saot, go kasem moa Ded Si, an bae hemi falom Ded Si ya long ist, go kasem ples wea hemi stat kam long hem. “Hem nao spialaen blong lan blong yufala.”

Matiu 14:34

Nao taem olketa katkros go kasem narasaet long leik ya, olketa go long soa long wanfala eria nem blong hem Genesaret.

Gudnius abaotem Jisas Kraes wea Luk hemi raetem 5:1

Long wanfala taem, Jisas hemi stanap long saet long leik long Genesaret. An plande pipol nao olketa kam raonem hem, wea olketa pus strong fo kam long hem, mekem olketa save herem toktok blong God.

Gudnius abaotem Jisas Kraes wea Jon hemi raetem 6:1

Narafala taem moa bihaen, Jisas wetem olketa disaepol blong hem, olketa go long narasaet long disfala leik long Galili wea nara nem blong hem nao Taebirias.

Diutronomi 3:17

An ist saet blong vali long Jodan Riva tu, mi givim go long olketa. An baondri blong lan blong olketa long west hemi long Jodan Riva, stat long Leik Galili long not go kasem Ded Si long saot wea hemi long botom blong maonten long Pisga.

Josua 11:2

Hemi sendem go toktok tu long olketa paramaon sif wea i stap long olketa taon long hil long saet long not, an long olketa paramaon sif wea i stap long olketa taon long vali long Jodan Riva wea hemi stap long saot kolsap long Leik Galili. Hemi sendem go toktok tu long olketa paramaon sif long olketa smolfala hil long west saet, an long olketa paramaon sif wea i stap kam long daon long saet si kolsap long taon long Doa.

Josua 12:3

Spialaen blong hem long west hemi stat long not long Leik Galili an hemi ka-kam long vali long Jodan Riva go kasem Ded Si long saot. An taon long Bet-Jesimot an maonten long Pisga i insaet long eria blong Sihon.

Josua 13:27

Long Jodan Vali, lan ya hemi go-go kasem olketa taon long Bet-Haran, an long Bet-Nimra, an long Sukot, an long Safon, an evri eria wea Paramaon Sif Sihon blong Hesbon hemi rul ovarem. Spialaen blong olketa lan ya long saet long west nao hemi stat long Jodan Riva go-go kasem Leik Galili long not.

Josua 19:35

Lan blong olketa ya hemi garem samfala taon wea bikfala wolston nao hemi raonem olketa, an nem blong olketa nao Sidim, an Sea, an Hamat, an Rakat, an Kineret,