Nambas 31:9 - Pijin Deuterocanon

⁹ Olketa kasholem evri woman blong Midian, wetem pikinini blong olketa. An olketa tekem tu olketa buluka, an olketa sipsip, an evri gudfala samting blong olketa.

Pijin Bible

⁹ Olketa kasholem evri woman blong Midian, wetem pikinini blong olketa. An olketa tekem tu olketa buluka, an olketa sipsip, an evri gudfala samting blong olketa.

Nambas 31:9 ပူးပေါင်းရင်းမြစ်များ

Jenesis 34:29

An olketa tekem olketa woman an olketa pikinini blong taon ya, wetem evrisamting long olketa haos blong olketa. Long taem ya, olketa tekem olketa gudfala samting wea i stap long taon ya, an olketa karim go nao.

2 Kronikols 14:15

Long datfala taem tu, olketa soldia blong Asa i go faetem olketa man fo lukaftarem sipsip an kamel long ples ya, an olketa stilim plande sipsip, an nanigot, an kamel. Den olketa kambaek long Jerusalem.

2 Kronikols 28:5

King Ehas an olketa pipol blong Jiuda i lusim Yawe hu hemi God blong olketa olfala grani blong olketa. Dastawe nao hemi mekem hem fo lus long king blong Siria. King ya hemi winim hem long faet, an hemi tekem plande pipol blong Ehas go long biktaon long Damaskas. An Yawe hemi mekem King Ehas lus long King Peka, san blong Remalaea, hu hemi king blong Israel. Ami blong King Peka hemi kilim dae 120,000 nambawan soldia blong Jiuda long wanfala de nomoa.

Nambas 31:10

Den olketa bonem evri taon blong Midian an evri ples blong ami blong Midian.

Nambas 31:53

An olketa soldia i bin kipim plande samting moa wea olketa tekem.

Nambas 31:8

An long datfala taem olketa kilim dae faefala sif blong pipol blong Midian, wea nem blong olketa nao, Sif Evi, an Sif Rekem, an Sif Sua, an Sif Hua, an Sif Reba. An olketa kilim dae tu Balam, san blong Beo.

Diutronomi 20:14

Bat bae yufala save tekem olketa woman, an olketa pikinini blong olketa, an olketa animol an olketa narafala samting wea i stap long taon ya. Bae yufala save kipim evrisamting wea hemi blong olketa enemi blong yufala, bikos Yawe hemi givim olketa samting ya finis long yufala.