Nambas 16:18 - Pijin Deuterocanon

¹⁸ Den long neks de, olketa evriwan tekem olketa dis blong olketa, an putum faea long olketa, nao olketa putum insens long olketa, an kam stanap wetem Mosis an Haeprist Eron long doa blong Tambu Haostent.

Pijin Bible

¹⁸ Den long neks de, olketa evriwan tekem olketa dis blong olketa, an putum faea long olketa, nao olketa putum insens long olketa, an kam stanap wetem Mosis an Haeprist Eron long doa blong Tambu Haostent.

Nambas 16:18 ပူးပေါင်းရင်းမြစ်များ

2 Kronikols 26:16

Bat taem King Yusaea hemi kamap strong fogud, hemi praod tumas go-go hemi bagarap. Hemi mekem sin agensim Yawe hu hemi God blong hem taem hemi go insaet long Tambuhaos blong Yawe fo hemi bonem insens long Olta fo Bonem Insens.

Levitikas 16:12

hemi mas kam long olta fo bonem insens, an hemi mas tekemaot samfala asis faea wea hemi laet, an fulumap long wanfala dis, an hemi mas tekem kam long han blong hem samfala insens paoda wea hemi smel naes. Den hemi mas kam insaet long disfala Barava Tambu Rum.

Levitikas 16:13

Nao long frant long mi, hemi mas putum insens go long faea long dis, an smok blong hem bae hemi mekem Eron hemi no save lukim kava blong Tambu Boks, so bae hemi no dae.

Nambas 16:17

Evriwan long olketa 250 lida hu i saet wetem yu mas tekem kam dis blong olketa seleva, an bae evriwan mas bonem insens long dis ya long frant long Yawe. An yu an Eron mas tekem kam dis blong yutufala tu.”

Nambas 16:19

Oraet, Kora hemi kolem olketa man fo kam stanap long datfala ples, an olketa fesim Mosis an Eron long doa blong Tambu Haostent. Seknomoa, saen blong paoa blong Yawe hemi saen kam long olketa evriwan.

Nambas 16:37

“Yu talem prist Eleasa, san blong Eron, fo go long ples blong asis blong olketa man wea faea hemi bonem olketa. Hemi mas tekemaot olketa dis blong olketa. Hemi mas kapsaetem olketa asis wea hemi laet yet from olketa, an hemi mas torowem olobaot long ples. Den hemi mas karim kambaek evri dis ya bikos olketa i tambu.

Nambas 16:48

Den ravis sik hemi stop, an olketa hu i laef, olketa stap long wanfala saet long Eron, olketa hu i dae, olketa stap long narasaet long Eron.