Gudnius abaotem Jisas Kraes wea Mak hemi raetem 9:28 - Pijin Deuterocanon

²⁸ An bihaen Jisas hemi go insaet long wanfala haos, olketa disaepol olketa kam lukim hem seleva an askem hem olsem nao, “?Waswe nao mifala no save raosim disfala devol ya?”

Pijin Bible

²⁸ An bihaen Jisas hemi go insaet long wanfala haos, olketa disaepol olketa kam lukim hem seleva an askem hem olsem nao, “?Waswe nao mifala no save raosim disfala devol ya?”

Gudnius abaotem Jisas Kraes wea Mak hemi raetem 9:28 ပူးပေါင်းရင်းမြစ်များ

Matiu 13:10

Nao olketa disaepol olketa kam askem Jisas olsem, “?Waswe nao yu yusim olketa tokpiksa taem yu toktok wetem olketa pipol?”

Matiu 13:36

Bihaen Jisas hemi lusim olketa pipol, hemi gobaek long haos nao. Nao olketa disaepol blong hem olketa sei olsem long hem, “Plis, yu talem kam mining blong disfala tokpiksa ya abaotem olketa ravis gras long gaden.”

Matiu 15:15

Nao Pita hemi sei long hem, “Plis, yu mas talem mifala abaotem mining blong disfala tokpiksa.”

Gudnius abaotem Jisas Kraes wea Mak hemi raetem 2:1

Nao bihaen samfala de moa, Jisas hemi kambaek moa long Kapaneam. Olketa pipol olketa herem nius wea Jisas hemi stap nao long haos blong hem.

Gudnius abaotem Jisas Kraes wea Mak hemi raetem 3:20

Nao, Jisas hemi kambaek moa long haos blong hem. An taem ya, plande pipol tumas nao olketa kam moa raonem hem. An Jisas wetem olketa disaepol blong hem olketa no garem taem fo kaikai.

Gudnius abaotem Jisas Kraes wea Mak hemi raetem 4:10

Taem Jisas hemi stap seleva, samfala pipol hu i bin herem toktok blong hem finis, olketa kam long hem wetem tuelfala disaepol blong hem. Olketa kam fo askem hem abaotem mining blong olketa tokpiksa ya.

Gudnius abaotem Jisas Kraes wea Mak hemi raetem 4:34

Hemi nating talem enisamting long olketa pipol ya wea hemi no save yusim tokpiksa long hem. Bat taem hemi stap seleva wetem olketa disaepol blong hem nomoa, hemi jes talemaot gud nao olketa mining blong olketa samting ya.

Gudnius abaotem Jisas Kraes wea Mak hemi raetem 7:17

Nao taem hemi lusim olketa pipol ya an hemi go insaet long haos nomoa, olketa disaepol i askem hem abaotem mining blong disfala tokpiksa ya.

Gudnius abaotem Jisas Kraes wea Mak hemi raetem 9:27

Bat Jisas hemi holem han blong hem nomoa, an hemi helpem hem fo getap, an boe ya hemi stanap nao.

Gudnius abaotem Jisas Kraes wea Mak hemi raetem 9:29

Jisas hemi talem olketa olsem, “Yufala save, wei blong prea nomoa hemi save raosim olketa devol olsem ya.”