Gudnius abaotem Jisas Kraes wea Mak hemi raetem 8:15 - Pijin Deuterocanon

¹⁵ An Jisas hemi wonem olketa olsem, “Yufala mas lukaot long diskaen yist blong olketa Farasi, an yist blong King Herod.”

Pijin Bible

¹⁵ An Jisas hemi wonem olketa olsem, “Yufala mas lukaot long diskaen yist blong olketa Farasi, an yist blong King Herod.”

Gudnius abaotem Jisas Kraes wea Mak hemi raetem 8:15 ပူးပေါင်းရင်းမြစ်များ

1 Kronikols 28:20

Nao Deved hemi tok moa olsem long Solomon, “Yu mas no fraet, an tingting blong yu mas no wikdaon. Tingting blong yu mas strong, an oltaem yu mas stanap strong fo duim disfala waka, bikos Yawe hu hemi God blong mi, hemi stap wetem yu. Bae hemi save helpem yu an no lusim yu go-go yu finisim olketa waka wea yu mas mekem long Tambuhaos blong Yawe.

Provebs 19:27

Pikinini blong mi, yu no lisin long tising blong mi, an bae yu save lusim waes toktok.

Levitikas 2:11

“Olketa flaoa blong nambawan wit wea yufala ofarem kam long mi hemi mas no garem yist long hem. Yufala nating save putum yist o hani long kaikai wea yufala bonem olsem tambu ofaring long mi.

Matiu 14:1

Nao taem Herod Antipas, King blong provins long Galili hemi herem olketa nius abaotem Jisas,

Matiu 14:3

Bifoa kam, Herod nao hemi bin talem long olketa fo go kasholem Jon, an fo putum sen long hem an putum hem long prisin. Herod hemi bin duim diswan bikos long saet blong Herodias, waef blong brata blong hem Filip.

Matiu 14:6

Bat taem Herod hemi mekem wanfala bikfala fist fo makem de wea hemi bon long hem, gele blong Herodias nao hemi kam fo dans fo olketa lukluk long hem. Nao Herod hemi barava hapi tumas wetem,

Matiu 16:6

“Yufala mas lukaot long diskaen yist blong olketa Farasi an olketa Sadiusi.”

Gudnius abaotem Jisas Kraes wea Mak hemi raetem 12:13

Nao olketa lida blong olketa pipol blong Jiu olketa sendem samfala Farasi an samfala man blong seksin blong King Herod fo go long Jisas, mekem olketa askem hem samfala kuestin fo trikim hem.

Gudnius abaotem Jisas Kraes wea Mak hemi raetem 8:14

Taem ya, olketa disaepol barava fogetem nao fo tekem samfala kaikai wetem olketa. Wanfala bred nomoa olketa garem wetem olketa insaet long bot.

Gudnius abaotem Jisas Kraes wea Mak hemi raetem 8:16

Olketa disaepol olketa gohed fo toktok tugeta long olketa seleva olsem, “Ating Jisas talem olsem bikos yumi no garem eni bred ya.”

Gudnius abaotem Jisas Kraes wea Luk hemi raetem 12:15

An Jisas hemi gohed fo tok olsem long olketa, “Yufala mas lukaot gudfala, nogud yufala garem diskaen tingting fo tekem enikaen samting fo yufala seleva nomoa. Bikos tru laef blong man hemi no stap long olketa samting wea hemi garem, nomata hemi garem plande samting tumas.”

1 Timoti 5:21

Mi tokstrong long yu long ae blong God an Jisas Kraes an olketa enjel. Yu mas no fogetem olketa toktok ya, bat yu mas falom olketa gudfala. An yu mas no fevarem eniwan nomoa.

1 Timoti 6:13

Long ae blong God hu hemi save givim laef long evrisamting, an long ae blong Jisas Kraes hu hemi bin talemaot barava strongfala biliv blong hem long taem Pontias Paelat hemi jajem hem, mi tokstrong long yu.

2 Timoti 2:14

Yu mas gohed fo toktok long olketa pipol abaotem disfala samting ya. Long ae blong God yu tokstrong long olketa fo no raoa abaotem olketa toktok. Diskaen wei ya hemi nogud tumas, an hemi save spoelem olketa pipol hu i lisin go long olketa raoa olsem ya.