Gudnius abaotem Jisas Kraes wea Mak hemi raetem 7:37 - Pijin Deuterocanon

³⁷ An evriwan hu i herem nius ya, olketa barava sapraes tumas nao an olketa sei, “!Maewat, evrisamting disfala man hemi duim ya hemi barava gud tumas ya! Nomata olketa hu ia blong olketa i pas fastaem, distaem olketa save herem toktok nao, an olketa pipol wea fastaem olketa no save toktok, distaem olketa save toktok moa.”

Pijin Bible

³⁷ An evriwan hu i herem nius ya, olketa barava sapraes tumas nao an olketa sei, “!Maewat, evrisamting disfala man hemi duim ya hemi barava gud tumas ya! Nomata olketa hu ia blong olketa i pas fastaem, distaem olketa save herem toktok nao, an olketa pipol wea fastaem olketa no save toktok, distaem olketa save toktok moa.”

Gudnius abaotem Jisas Kraes wea Mak hemi raetem 7:37 ပူးပေါင်းရင်းမြစ်များ

Sams 139:14

Mi preisim yu bikos wei wea yu bin mekem mi hemi barava nambawan an hemi spesol. Long evri tingting blong mi, mi barava save nao dat evrisamting yu bin mekem hemi barava gud tumas.

Aesaea 29:18

Long datfala taem, olketa hu i iapas bae i heresave long olketa toktok insaet long buk ya. An olketa hu i blaen an bin stap long tudak, bae i save lukluk moa.

Matiu 9:32

Taem tufala man ya i goaot nomoa, samfala pipol olketa tekem kam wanfala man long Jisas. Man ya hemi no save toktok, from devol hemi stap long hem.

Gudnius abaotem Jisas Kraes wea Mak hemi raetem 1:27

Evriwan olketa barava sapraes fogud nao an olketa stat fo tok olsem tugeta long olketa seleva, “?Wanem nao ya? !Ating niu kaen tising moa ya, an hemi tokstrong olsem man hu hemi garem paoa nao! Nomata olketa ravis devol ya tu, taem hemi tokstrong long olketa, olketa save obeim hem nomoa.”

Gudnius abaotem Jisas Kraes wea Mak hemi raetem 2:12

Long semtaem nomoa, man ya hemi stanap an tekem bed blong hem an hemi wakabaot go nao. Olketa pipol barava sapraes fogud taem olketa lukim diswan, an olketa mekhae long God, an olketa sei, “!Maewat, bifoa kam, yumi nating lukim enisamting olsem yet ya!”

Gudnius abaotem Jisas Kraes wea Mak hemi raetem 4:41

Bat nomata olsem, olketa barava fraet fogud an olketa gohed fo toktok olsem tugeta long olketa seleva, “?Watkaen man nao ya? !Nomata win an olketa wev ya, olketa save obeim toktok blong hem nomoa!”

Gudnius abaotem Jisas Kraes wea Mak hemi raetem 5:42

Nao semtaem nomoa, disfala gele wea hemi kasem tuelfala yia finis ya, hemi stanap an stat fo wakabaot go nao. An taem olketa lukim diswan ya, olketa barava sapraes fogud nao.

Gudnius abaotem Jisas Kraes wea Mak hemi raetem 6:51

An hemi go insaet long bot wetem olketa nomoa, an win ya hemi finis nao. Bat olketa disaepol olketa barava sapraes tumas nao,

Gudnius abaotem Jisas Kraes wea Mak hemi raetem 7:36

Bihaen, Jisas hemi stopem olketa pipol fo no go storim disfala samting ya long eniwan moa. Bat nomata Jisas hemi go-gohed fo tokstrong long olketa olsem ya, olketa jes go-gohed moa fo talemaot.

Gudnius abaotem Jisas Kraes wea Mak hemi raetem 8:1

No longtaem bihaen, plande pipol moa olketa kam long Jisas. Nao long taem ya, olketa pipol barava nating garem eni kaikai nao, so Jisas hemi kolem olketa disaepol blong hem fo kam long hem an hemi sei long olketa olsem,

Gudnius abaotem Jisas Kraes wea Luk hemi raetem 23:41

Wanem yumitufala tekem panis fo hem, hemi stretwan ya, bikos olketa panisim yumitufala fo olketa ravis samting wea yumitufala bin duim. Bat man ya, hemi nating duim enisamting wea hemi rong ya.”

Aposol 14:11

Taem olketa pipol olketa lukim wanem Pol hemi bin duim ya, olketa stat fo singaot long langguis long Likeonia nao, an olketa sei, “!Maewat, tufala god i kamap olsem man, an tufala kamdaon fo stap wetem yumi nao!”