Gudnius abaotem Jisas Kraes wea Mak hemi raetem 7:3 - Pijin Deuterocanon

³ Olketa Farasi wetem evriwan long olketa nara Jiu, olketa falom kastom blong olketa oloman blong olketa bifoa kam nao, wea olketa mas wasim han blong olketa long gudfala wei bifoa olketa save kaikai.

Pijin Bible

³ Olketa Farasi wetem evriwan long olketa nara Jiu, olketa falom kastom blong olketa oloman blong olketa bifoa kam nao, wea olketa mas wasim han blong olketa long gudfala wei bifoa olketa save kaikai.

Gudnius abaotem Jisas Kraes wea Mak hemi raetem 7:3 ပူးပေါင်းရင်းမြစ်များ

Gudnius abaotem Jisas Kraes wea Mak hemi raetem 7:13

From yufala tisim olketa pipol fo falom kastom olsem, yufala mekem toktok blong God fo kamap olsem samting nating nomoa ya. An plande wei olsem moa yufala garem wea yufala go-gohed fo duim.”

Gudnius abaotem Jisas Kraes wea Mak hemi raetem 7:5

So olketa Farasi an olketa tisa blong Lo olketa askem Jisas olsem, “?Waswe nao olketa disaepol blong yu olketa no save falom nomoa kastom wea hemi stat kam long olketa olo blong yumi? !Olketa gohed nomoa fo kaikai wetem han blong olketa wea hemi no klin!”

Gudnius abaotem Jisas Kraes wea Luk hemi raetem 11:38

Bat Farasi ya hemi sapraes tumas taem hemi lukim dat Jisas hemi nating wasim han blong hem bifoa hemi kaikai.

Gudnius abaotem Jisas Kraes wea Jon hemi raetem 2:6

Nao olketa Jiu olketa garem plande rul abaotem hao fo wasim olketa seleva an olketa narasamting moa. So from diskaen wei olketa garem siksfala bikfala botol long haos ya. Olketa botol ya olketa wakem long ston an kolsap 100 lita long wata nao hemi save stap insaet long wanfala nomoa.

Galesia 1:14

An mi strong tumas fo falom gud olketa kastom blong olketa olo blong mifala Jiu bifoa. Long wei ya, mi gohed gudfala winim plande long olketa wantok wea olketa yangfala olsem mi.

Kolosi 2:8

An yufala mas lukaot gud, nogud eniwan hemi kam an trikim yufala long ravis stori ya wea hemi barava tingting blong man nomoa. Olketa toktok olsem, olketa no kamaot long Kraes ya, bat olketa kamaot nomoa long olketa stori blong olketa olo an long olketa enikaen paoa long wol.

1 Pita 1:18

Yufala save finis hao God hemi peimaot yufala from ravis laef wea yufala falom from olketa olo blong yufala bifoa. Hemi no peimaot yufala long samting wea hemi save nogud nomoa olsem silva an gol.