Gudnius abaotem Jisas Kraes wea Mak hemi raetem 6:56 - Pijin Deuterocanon

⁵⁶ An long evri ples wea Jisas hemi go long hem, olsem long olketa taon an olketa vilij an olketa nara ples moa, olketa pipol save hipap wetem hem nao long olketa open ples. Olketa karim kam olketa sik pipol ya long Jisas, an askem hem fo letem olketa fo tasim nomoa en blong longfala kaleko blong hem. An evriwan wea olketa tasim hem ya, olketa barava gudbaek nao.

Pijin Bible

⁵⁶ An long evri ples wea Jisas hemi go long hem, olsem long olketa taon an olketa vilij an olketa nara ples moa, olketa pipol save hipap wetem hem nao long olketa open ples. Olketa karim kam olketa sik pipol ya long Jisas, an askem hem fo letem olketa fo tasim nomoa en blong longfala kaleko blong hem. An evriwan wea olketa tasim hem ya, olketa barava gudbaek nao.

Gudnius abaotem Jisas Kraes wea Mak hemi raetem 6:56 ပူးပေါင်းရင်းမြစ်များ

2 Kings 13:21

Wanfala taem, samfala pipol blong Israel i karim wanfala bodi fo go berem hem. Den olketa lukim wanfala grup blong soldia blong Moab i kam, so olketa torowem bodi nomoa go insaet long grev wea olketa bin putum bodi blong Profet Elaesa long hem bifoa. Bat wea, taem bodi ya hemi kasem olketa bon blong Elaesa ya, man ya hemi laefbaek moa, an hemi stanap.

Nambas 15:37

Yawe hemi tok moa olsem long Mosis,

Matiu 14:36

An olketa askem hem fo letem olketa sik pipol ya fo tasim nomata en blong longfala kaleko blong hem, mekem olketa gudbaek moa. An evriwan hu olketa tasim kaleko blong hem, olketa gudbaek nao.

Matiu 9:20

Taem olketa wakabaot go nomoa, wanfala woman hu hemi bin sik long blad fo tuelfala yia, hemi wakabaot kam bihaen long Jisas, an hemi tasim en blong kaleko blong hem.

Gudnius abaotem Jisas Kraes wea Mak hemi raetem 3:10

Hemi bin mekem plande sik pipol fo gudbaek moa, an dastawe nao samfala sikman moa olketa go-gohed fo pusum olketa seleva fo go long hem, mekem olketa save tasim hem.

Gudnius abaotem Jisas Kraes wea Mak hemi raetem 6:55

So olketa pipol resis go nao long evri ples insaet long eria ya fo talem nius abaotem hem. An nomata watkaen ples olketa pipol herem dat Jisas hemi stap long hem, olketa save karim kam olketa sik pipol wea olketa leidaon nomoa long bed blong olketa.

Gudnius abaotem Jisas Kraes wea Luk hemi raetem 22:51

Bat Jisas hemi sei, “!Ei, naf nao!” An hemi tasim ia blong man ya, an hemi mekem gudbaek moa.

Gudnius abaotem Jisas Kraes wea Luk hemi raetem 6:19

An evriwan long olketa pipol ya olketa traehad fo tasim hem, bikos paoa blong God wea hemi stap long hem, hemi mekem evri sikman fo kamap gudbaek moa.

Gudnius abaotem Jisas Kraes wea Luk hemi raetem 8:44

Woman ya hemi wakabaot kam bihaen long Jisas, an hemi tasim en long kaleko blong hem nao. An semtaem nomoa, siknis ya hemi finis nao.

Aposol 4:12

Jisas nomoa hemi save sevem yumi. Bikos God hemi no givim kam eni narawan moa long wol, wea hemi save sevem yumi.”

Aposol 4:9

tude yufala laek fo kotem mitufala from mitufala duim gudfala samting long wanfala man wea lek blong hem hemi dae. An yufala laek fo save hao nao mitufala mekem hem fo gudbaek moa.

Aposol 5:15

An bikos long wanem olketa aposol i bin duim ya, olketa pipol olketa gohed nao fo tekem kam olketa hu i sik, an leimdaon olketa long mat o long bed long saet long rod. Olketa tingse, taem Pita hemi go-gopas long ples ya nomoa, maet sado blong hem hemi save kasem olketa hu i sik an mekem olketa fo gudbaek moa.

Diutronomi 22:12

“Yufala mas somapem tugeta samfala sotfala rop fo hangem long olketa kona blong kaleko blong yufala.”