Gudnius abaotem Jisas Kraes wea Mak hemi raetem 6:24 - Pijin Deuterocanon

²⁴ Taem ya, gele ya hemi go aotsaet an hemi askem mami blong hem olsem, “?Watkaen samting nao bae mi askem?” Nao mami blong hem hemi talem olsem, “Mi laekem yu fo askem hed blong Jon Baptaes.”

Pijin Bible

²⁴ Taem ya, gele ya hemi go aotsaet an hemi askem mami blong hem olsem, “?Watkaen samting nao bae mi askem?” Nao mami blong hem hemi talem olsem, “Mi laekem yu fo askem hed blong Jon Baptaes.”

Gudnius abaotem Jisas Kraes wea Mak hemi raetem 6:24 ပူးပေါင်းရင်းမြစ်များ

2 Samuel 13:5

So Jonadab hemi sei long hem, “Oraet, sapos olsem, hemi gud fo yu go slip an yu la-laea fo sik. Taem dadi blong yu hemi kam fo lukim yu, bae yu tok olsem long hem, ‘Dadi, plis yu talem sista blong mi Tama fo kam givim kaikai long mi. Mi laekem hem fo redim kaikai long hia nomoa, mekem mi lukim hem, an hem seleva bae hemi givim kam long mi.’ ”

Stori abaotem Job 31:31

Evri wakaman blong mi i save finis wea oltaem evriwan save kaikai gud long haostent blong mi.

Sams 27:2

Taem olketa nogud pipol i traehad fo faetem mi fo kilim mi dae, bae olketa enemi ya i foldaon nomoa.

Sams 37:12

Olketa nogud pipol i mekem olketa ravis plan agensim olketa gudfala pipol. An oltaem olketa gohed fo luk kros long olketa gudfala pipol ya.

Sams 37:14

Olketa nogud pipol i holemrere olketa naef fo faet, an olketa pulumrere olketa bou blong olketa, fo kilim dae olketa pua pipol an olketa stretfala pipol.

Matiu 14:8

So falom wanem mami blong hem hemi talem finis, hemi talem long Herod olsem, “Mi laekem yu fo givim kam hed blong Jon Baptaes long wanfala plet distaem nao.”

Matiu 3:1

Nao long wanfala taem, Jon Baptaes hemi kam an talemaot toktok blong God insaet long drae eria long provins long Jiudia,

Gudnius abaotem Jisas Kraes wea Mak hemi raetem 6:23

An hemi mekem wanfala strongfala promis nao fo gele ya an hemi sei, “Mi bae mi givim yu enisamting nomoa wea yu askem long mi, nomata barava haf long evrisamting wea mi rul ovarem.”

Gudnius abaotem Jisas Kraes wea Mak hemi raetem 6:25

Semtaem nomoa, gele ya hemi resis gobaek nao long King an talem long hem olsem, “!Mi laekem yu fo givim kam hed blong Jon Baptaes long wanfala plet fo mi distaem nao!”