Gudnius abaotem Jisas Kraes wea Mak hemi raetem 5:29 - Pijin Deuterocanon

²⁹ An semtaem nomoa, blad ya hemi stop, an woman ya hemi save dat sik blong hem ya hemi barava finis from hem nao.

Pijin Bible

²⁹ An semtaem nomoa, blad ya hemi stop, an woman ya hemi save dat sik blong hem ya hemi barava finis from hem nao.

Gudnius abaotem Jisas Kraes wea Mak hemi raetem 5:29 ပူးပေါင်းရင်းမြစ်များ

1 Kings 8:37

“Maet taem blong hanggre, o bikfala sik hemi kam spoelem pipol blong yu, o nogud samting hemi spoelem olketa kaikai long gaden, o olketa grashopa i kamap plande an spoelem olketa gaden, o olketa enemi i kam faetem mifala.

Sams 103:3

Hemi fogivim evri sin blong mi. Hemi tekemaot evri sik blong mi, an hemi mekem mi gudbaek moa.

Sams 107:20

Hemi tok nomoa, an olketa kamap gud nao. Ya, hemi sevem olketa from dae.

Sams 147:3

Hemi mekem olketa hu i sore fo hapi moa, an hemi mekem olketa soa blong olketa fo kamap gud moa.

Sams 30:2

Lod Yawe, yu nao yu God blong mi, mi krae long yu fo yu helpem mi, an yu mekem mi fo gudbaek moa.

Eksodas 15:26

Hemi tok olsem, “Sapos yufala barava obeim mi, Yawe God blong yufala, an sapos yufala duim wanem nao hemi stret long ae blong mi, an sapos yufala lisin long olketa rul blong mi, an sapos yufala falom olketa lo blong mi, bae mi nating sendem long yufala olketa sik wea mi bin sendem kam long olketa blong Ijip. Mi nao Yawe hu mi hilim yufala.”

Levitikas 14:48

“Bat sapos prist hemi go luklukgud long haos ya, an hemi lukim dat mak ya hemi no kamaot moa bihaen long taem wea olketa putum niufala plasta long hem, oraet, hemi mas talemaot dat haos ya hemi klin long ae blong mi, bikos mak ya hemi finis.

Levitikas 20:18

“Sapos eniwan hemi slip tugeta wetem woman wea hemi lukim mun, oraet, yufala mas aotem tufala from pipol blong Israel, bikos tufala bin somaot ples wea blad hemi kamaot long hem.

Matiu 9:20

Taem olketa wakabaot go nomoa, wanfala woman hu hemi bin sik long blad fo tuelfala yia, hemi wakabaot kam bihaen long Jisas, an hemi tasim en blong kaleko blong hem.

Gudnius abaotem Jisas Kraes wea Mak hemi raetem 3:10

Hemi bin mekem plande sik pipol fo gudbaek moa, an dastawe nao samfala sikman moa olketa go-gohed fo pusum olketa seleva fo go long hem, mekem olketa save tasim hem.

Gudnius abaotem Jisas Kraes wea Mak hemi raetem 5:28

Hemi tingse, sapos hemi tasim nomoa kaleko blong Jisas bae hemi save gudbaek moa.

Gudnius abaotem Jisas Kraes wea Mak hemi raetem 5:34

An Jisas hemi talem hem olsem, “Woman, biliv blong yu hemi mekem yu fo gudbaek moa. Yu go an yu no wari moa, bikos sik blong yu hemi finis from yu nao.”

Gudnius abaotem Jisas Kraes wea Luk hemi raetem 7:21

Long barava taem ya tu, Jisas hemi mekem gudbaek moa plande pipol hu i garem enikaen siknis, an plande pipol tu wea olketa ravis devol stap long olketa. An plande pipol hu ae blong olketa hemi blaen, hemi mekem olketa fo lukluk moa.