Gudnius abaotem Jisas Kraes wea Mak hemi raetem 4:28 - Pijin Deuterocanon

²⁸ Bat samting ya, graon seleva nao hemi mekem olketa sid ya fo grou an garem frut. Fas samting fo kamap nao lif blong hem, an bihaen moa flaoa blong hem, an las samting nao frut blong hem.

Pijin Bible

²⁸ Bat samting ya, graon seleva nao hemi mekem olketa sid ya fo grou an garem frut. Fas samting fo kamap nao lif blong hem, an bihaen moa flaoa blong hem, an las samting nao frut blong hem.

Gudnius abaotem Jisas Kraes wea Mak hemi raetem 4:28 ပူးပေါင်းရင်းမြစ်များ

Jenesis 2:9

An hemi mekem olketa deferen kaen tri olketa gohed fo grou olobaot long hem. Olketa tri ya i luk gudfala tumas, an frut blong olketa hemi gudfala tumas fo kaikaim. An long midol long ples ya, tufala narafala tri nao hemi stap long hem, wanfala wea frut blong hem hemi save givim laef, an narafala wea frut blong hem hemi save givim save long olketa wei wea i nogud an olketa wei wea i gud.

Sams 1:3

Olketa ya i olsem olketa tri wea i grou long gudfala graon wea hemi garem wata. Olketa tri ya i gohed fo garem frut long barava taem blong olketa, an lif blong olketa i no save dae. An long sem wei ya tu, evrisamting wea olketa pipol ya i gohed fo duim i kamap gudfala.

Provebs 4:18

Bat stretfala wei hemi olsem fas laet long moning, hemi gohed fo saen gogo hemi olsem san hemi kamap.

Eklesiastes 3:1

Evrisamting hemi kamap long barava taem blong hem. An evrisamting yumi duim hemi save hapen nomoa long taem blong hem.

Eklesiastes 3:11

Ya, God nao hemi makem barava nambawan taem fo evrisamting i hapen. An hemi mekem yumi tingabaotem olketa samting wea i barava aotsaet long taem. Nomata olsem, yumi no save minim evrisamting wea hemi duim.

Aesaea 61:11

Olsem olketa sid i oltaem grouap kam from graon, long sem wei tu, bae Lod Yawe hemi mekem wei blong mifala fo kamap stret. An bae mifala preisim hem long ae blong evri pipol blong evri narafala kantri.”

Hosia 6:3

Distaem yumi mas traehad fo save gudfala long Yawe. Hemi tru nao, bae hemi kam long yumi olsem wea san hemi kamap long eli moning. An bae hemi mekem laef blong yumi fo kamap gud moa, barava olsem taem ren hemi kam fo watarem olketa gaden, an hemi mekem graon fo tuwet gudfala.”

Matiu 13:26

So taem olketa gudfala sid ya olketa grouap an stat fo garem frut, olketa ravis gras ya olketa grouap wetem tu.

Gudnius abaotem Jisas Kraes wea Mak hemi raetem 4:27

Long naet, man ya hemi slip, an long moning hemi wekap an evritaem nomoa hemi olsem, bat olketa sid ya stat fo kamap an grou nao. An man ya hemi nating save nomoa hao nao olketa sid ya olketa save grou olsem.

Gudnius abaotem Jisas Kraes wea Mak hemi raetem 4:29

An taem frut blong hem hemi redi nomoa, man ya hemi stat nao fo aotem wetem naef blong hem bikos hemi kasem taem blong hem nao.”

Filipae 1:6

An mi barava save dat God hu hemi bin statem disfala gudfala waka long laef blong yufala, bae hemi gohed fo finisim long datfala De blong Jisas Kraes.

Kolosi 1:10

Sapos olsem, bae laef blong yufala hemi save kamap stret long ae blong Masta. An bae yufala save mekem hem hapi tumas long wei blong yufala, wea yufala save go-gohed fo duim enikaen gudfala waka an yufala save gohed fo savegud moa abaotem God.