Gudnius abaotem Jisas Kraes wea Mak hemi raetem 16:17 - Pijin Deuterocanon

¹⁷ An olketa pipol hu i biliv, bae God hemi givim paoa long olketa, mekem olketa save mekem olketa mirakol. Bae olketa save raosim olketa devol long nem blong mi, an bae olketa save toktok tu long enikaen langguis nomoa.

Pijin Bible

¹⁷ An olketa pipol hu i biliv, bae God hemi givim paoa long olketa, mekem olketa save mekem olketa mirakol. Bae olketa save raosim olketa devol long nem blong mi, an bae olketa save toktok tu long enikaen langguis nomoa.

Gudnius abaotem Jisas Kraes wea Mak hemi raetem 16:17 ပူးပေါင်းရင်းမြစ်များ

Gudnius abaotem Jisas Kraes wea Mak hemi raetem 9:38

Nao Jon hemi tok olsem long Jisas, “Tisa, mifala lukim wanfala man hu hemi yusim nem blong yu fo raosim olketa devol from olketa pipol ya. Bat man ya hemi no blong seksin blong yumi ya, so mifala stopem hem nao fo no duim diskaen samting.”

Gudnius abaotem Jisas Kraes wea Luk hemi raetem 10:17

Nao taem seventi-tu man ya olketa kambaek kasem Jisas, olketa barava hapi fogud nao. An olketa tok olsem long Jisas, “Masta, nomata olketa devol, olketa barava obeim mifala taem mifala raosim olketa long nem blong yu.”

Gudnius abaotem Jisas Kraes wea Jon hemi raetem 14:12

Mi talem yufala tru samting nao, man hu hemi biliv long mi, bae hemi duim tu olketa waka wea mi duim ya. An bae hemi duim olketa bikfala waka moa winim olketa waka blong mi ya, bikos bae mi go an stap wetem Dadi ya.

Aposol 10:46

Olketa herem olketa pipol ya olketa toktok long olketa spesol kaen langguis an olketa preisim God tumas. Nao Pita hemi talem olketa nara Kristin olsem,

Aposol 16:18

Plande de nao, gele ya hemi du-duim semsamting nomoa, go-go Pol hemi barava les fo herem diswan. So hemi taneraon an hemi tok olsem go long disfala devol ya, “!Long nem blong Jisas Kraes mi talem yu stret, yu mas lusim gele ya nao!” An long semtaem nomoa, devol ya hemi lusim gele ya nao.

Aposol 19:6

An taem Pol hemi putum han blong hem long olketa, Holi Spirit hemi kamdaon long olketa nao, an olketa gohed fo toktok long olketa spesol kaen langguis, an olketa gohed tu fo talemaot olketa mesij blong God.

Aposol 2:33

God hemi tekem hem goap fo sidaon long raetsaet blong hem. An God Dadi blong hem, hemi givim Holi Spirit long hem olsem hemi promisim finis. So wanem yufala lukim an herem distaem, hemi samting wea God hemi givim kam long mifala.

Aposol 5:16

An plande pipol tumas long olketa smolfala taon raonem Jerusalem tu, olketa kam hipap. Olketa tekem kam olketa hu i sik an olketa wea olketa devol i stap long olketa. An evriwan long olketa i kamap gudbaek moa.

Aposol 8:7

Plande pipol hu olketa ravis devol i stap long olketa, olketa devol i singaot bikfala an olketa kamaot from olketa. An plande pipol hu lek blong olketa i dae o bodi blong olketa i no save muv, olketa gudbaek moa.

1 Korin 12:10

an long samfala pipol moa hemi givim paoa fo mekem olketa mirakol. Long samfala pipol Holi Spirit hemi givim paoa fo talemaot eni mesij blong God, an long samfala pipol moa hemi givim paoa fo luksave long olketa deferen kaen paoa, sapos olketa blong God o nomoa. Long samfala pipol Holi Spirit hemi givim paoa fo toktok long olketa spesol kaen langguis ya, an long samfala pipol moa hemi givim paoa fo talemaot mining blong olketa kaen langguis olsem.

1 Korin 12:28

An long sios, God hemi makem samfala pipol fo stap long fas ples olsem aposol, an bihaen moa samfala olsem profet, an samfala olsem tisa, an samfala fo duim mirakol, an samfala fo mekem sik pipol fo gudbaek, an samfala fo helpem olketa pipol, an samfala fo lidim olketa, an samfala fo toktok long olketa spesol kaen langguis.

1 Korin 12:30

o fo mekem olketa sikman fo gudbaek, o fo toktok long olketa spesol kaen langguis, o fo talemaot mining blong kaen langguis olsem.

1 Korin 13:1

Nomata mi save toktok long olketa deferen langguis blong olketa pipol an long langguis blong olketa enjel tu, bat sapos mi no save lavem olketa pipol, mi olsem nomoa wanfala belo o pis aean wea olketa hamarem fo meknoes long hem.

1 Korin 14:2

Eniwan hu hemi toktok long olketa spesol kaen langguis, hemi no toktok go long olketa pipol bat hemi toktok go long God. No eni man i save long toktok ya, bikos Holi Spirit nao hemi givim paoa long hem fo talem olketa samting wea hemi staphaed nomoa.