Gudnius abaotem Jisas Kraes wea Mak hemi raetem 15:34 - Pijin Deuterocanon

³⁴ Nao long triklok long aftanun nomoa, Jisas hemi singaot bikfala olsem, “!Eloi! !Eloi! ?Lama sabaktani?” wea hemi minim “!God blong mi! !God blong mi! ?Waswe nao yu lusim mi finis?”

Pijin Bible

³⁴ Nao long triklok long aftanun nomoa, Jisas hemi singaot bikfala olsem, “!Eloi! !Eloi! ?Lama sabaktani?” wea hemi minim “!God blong mi! !God blong mi! ?Waswe nao yu lusim mi finis?”

Gudnius abaotem Jisas Kraes wea Mak hemi raetem 15:34 ပူးပေါင်းရင်းမြစ်များ

Sams 22:1

!God blong mi! !Yu nao God blong mi! ?Waswe nao yu lusim mi? Mi krae go long yu, bat yu no helpem mi nao.

Sams 27:9

Plis yu no haedem fes blong yu from mi. Plis yu no kros long mi, o lusim mi wakaman blong yu ya. Yu nomoa bin gohed fo helpem mi. God, plis yu no lusim mi, oltaem yu nao yu bin sevem mi.

Sams 42:9

God, yu nao yu strongfala sefples blong mi. ?Waswe nao yu fogetem mi? ?Waswe nao mi gohed fo safa long olketa nogud samting wea olketa enemi i duim long mi?

Sams 71:11

Olketa tok olsem, “!God hemi lusim hem finis! !Yumi ronem hem an kasholem hem! !Hemi no garem eniwan fo sevem hem!”

Aesaea 41:17

“Olketa pipol blong mi i krae kam long mi fo help, olsem barava pua man hu hemi laekem tumas fo dring an hemi barava dae fo wata. An mi Yawe, hu mi God blong Israel, bae mi herem prea blong olketa, an mi no save lusim olketa.

Lamentesin 1:12

“?Yufala hu i gopas long mi, bikfala safa blong mi hemi samting nating nomoa? Long de wea Yawe hemi kros, hemi mekem mi fo safa tumas. !No eni panis moa, wea hemi nogud olsem panis blong mi!

Lamentesin 5:20

?Waswe nao yu oltaem fogetem mifala? ?Waswe nao yu gohed fo les long mifala enitaem?

Daniel 9:21

Taem mi gohed fo prea yet, enjel Gebriel hu mi bin lukim insaet long fas spesol drim blong mi, hemi flae kamdaon long ples ya wea mi stap long hem. Long taem ya, hemi kolsap long barava taem fo mekem sakrifaes long ivining.

Matiu 27:45

Taem hemi kasem tuelklok long de nomoa, evri ples long kantri ya hemi tudak tumas nao. An hemi go-gohed olsem fo trifala aoa.

Matiu 27:46

Nao kasem samting olsem triklok long aftanun, Jisas hemi singaot bikfala olsem nao, “!Eli! !Eli! ?Lama sabaktani?” wea hemi minim “!God blong mi! !God blong mi! ?Waswe nao yu lusim mi finis?”

Gudnius abaotem Jisas Kraes wea Mak hemi raetem 15:25

Nao hemi naenklok long moning taem olketa nilam Jisas long kros.

Gudnius abaotem Jisas Kraes wea Mak hemi raetem 15:35

An samfala pipol wea olketa stanap long ples ya olketa herem toktok ya an olketa sei nao, “Ei, ating man ya hemi singaotem profet Elaeja ya.”

Gudnius abaotem Jisas Kraes wea Luk hemi raetem 23:44

Taem hemi kasem samting olsem tuelklok nomoa long de ya, san hemi no saen nao an hemi tudak long evri ples long kantri ya, go-go kasem triklok long aftanun.

Gudnius abaotem Jisas Kraes wea Luk hemi raetem 23:46

An Jisas hemi singaot bikfala olsem, “Dadi, bae spirit blong mi nao hemi stap long han blong yu.” Bihaen nomoa, hemi dae nao.

Aposol 10:3

Long wanfala de, kolsap long triklok long aftanun nomoa, Konilias hemi garem wanfala spesol drim. Hemi barava lukim klia nao wanfala enjel blong God hu hemi kam insaet long haos blong hem an singaot olsem, “!Konilias!”

Hibrus 5:7

Taem Jisas hemi stap yet long wol ya, hemi kraeaot bikfala long prea blong hem. Hemi prea go long God hu hemi save helpem hem fo no dae. Nao God hemi herem prea blong Jisas, bikos Jisas hemi save falom God an tinghae tumas long hem.