Gudnius abaotem Jisas Kraes wea Mak hemi raetem 10:27 - Pijin Deuterocanon

²⁷ Bat Jisas hemi luk go long olketa an hemi sei, “Hemi had tumas fo eni man fo duim ya, bat fo God hemi no had, bikos hemi save duim evrisamting nomoa.”

Pijin Bible

²⁷ Bat Jisas hemi luk go long olketa an hemi sei, “Hemi had tumas fo eni man fo duim ya, bat fo God hemi no had, bikos hemi save duim evrisamting nomoa.”

Gudnius abaotem Jisas Kraes wea Mak hemi raetem 10:27 ပူးပေါင်းရင်းမြစ်များ

2 Kings 3:18

An Elaesa hemi tok olsem moa, “Hemi wanfala isi samting nomoa fo Yawe hemi duim. Bat bae hemi mekem wanfala samting wea hemi bikfala go moa. Bae hemi mekem yufala fo winim olketa pipol blong Moab.

2 Kings 7:2

Nao wanfala bikman wea hemi wakabaot wetem king olowe hemi tok olsem long man blong God, “!Yu laea! !Sapos Yawe hemi sendem kam kaikai from heven distaem nomoa, bae praes blong hem hemi no save godaon olsem!” Den Elaesa hemi tok olsem long hem, “Bae yu lukim samting ya hemi hapen, bat bae yu no save kaikaim enisamting long olketa kaikai ya.”

Stori abaotem Job 42:2

Mi save dat yu garem evri paoa, an yu save duim nomoa evrisamting wea yu planem.

Jeremaea 32:17

!O Lod Yawe! Yu seleva nomoa bin mekem skae an disfala wol long bikfala paoa long yu. No enisamting hemi had tumas wea yu no save mekem.

Jeremaea 32:27

“Mi nao Yawe, God blong evri pipol long wol. No enisamting hemi had tumas fo mi, wea mi no save mekem.

Sekaraea 8:6

?Olketa pipol hu i laef yet an kambaek long taon, olketa ting olsem olketa samting ya hemi had tumas, hemi kanduit hapen. Bat mi Yawe nao mi garem evri paoa, an no enisamting hemi had fo mi. Hem nao mesij blong mi Yawe.

Matiu 19:26

Bat Jisas hemi barava luk stret go long olketa an hemi sei nao, “Hemi had tumas fo eni man fo duim ya, bat God hemi save duim evrisamting nomoa.”

Gudnius abaotem Jisas Kraes wea Mak hemi raetem 10:26

Taem olketa disaepol olketa herem diswan, olketa barava sapraes fogud moa. An olketa sei, “!Maewat! ?Sapos olsem, hu nao bae hemi save kasem tru laef ya?”

Gudnius abaotem Jisas Kraes wea Luk hemi raetem 1:37

Yu save, no enisamting hemi had fo God fo duim ya.”

Gudnius abaotem Jisas Kraes wea Luk hemi raetem 18:27

Bat Jisas hemi sei, “Olketa samting wea hemi had tumas fo eni man fo duim ya, God hemi save duim nomoa ya.”

Filipae 3:21

An bae hemi mekem olketa wik bodi blong yumi fo sens an kamap nambawan tumas olsem bodi blong hem seleva. Bae hemi duim diswan long disfala bikfala paoa blong hem wea hemi save yusim fo kontrolem evrisamting.

Hibrus 11:19

Ebraham hemi save dat God hemi save mekem Aesak fo laefbaek moa. An yumi save sei Aesak hem olsem hemi laefbaek moa from dae.

Hibrus 7:25

Dastawe nao, hemi garem paoa fo sevem olketa pipol wea olketa kam long God bikos olketa biliv long hem, bikos Jisas hemi laef olowe an hemi save prea go long God fo olketa.