Matiu 27:60 - Pijin Deuterocanon

⁶⁰ An hemi putum insaet long niufala kev blong hem seleva wea olketa bin wakem insaet long bikfala ston. Bihaen moa, Josef hemi rolem wanfala bikfala ston fo satem frant long kev ya an hemi go nao.

Pijin Bible

⁶⁰ An hemi putum insaet long niufala kev blong hem seleva wea olketa bin wakem insaet long bikfala ston. Bihaen moa, Josef hemi rolem wanfala bikfala ston fo satem frant long kev ya an hemi go nao.

Matiu 27:60 ပူးပေါင်းရင်းမြစ်များ

Jenesis 50:5

‘Taem dadi blong mi hemi kolsap dae, hemi mekem mi fo promis long nem blong God wea bae mi mas karim bodi blong hem, an go fo berem long Kenan, long wanfala kev long ston wea hemi mekredi finis long hem. Plis yu letem mi fo go an berem dadi blong mi, an bihaen bae mi kambaek moa.’”

Aesaea 22:16

!Sebna! ?Wanem nao yu duim ya? ?Waswe nao yu odarem olketa fo katem wanfala hol insaet long ston saet blong maonten ya, an redim ples fo berem yu long hem? ?Hu nao hemi alaom yu fo onarem yu seleva olsem?

Aesaea 53:9

Nomata hemi nating mekem eni trabol o talem eni laea toktok, bat olketa kilim hem dae wetem olketa nogud man, an berem hem wetem olketa risman.”

Matiu 27:59

Nao Josef hemi tekem bodi blong Jisas an hemi paselem long wanfala niufala waet kaleko.

Matiu 27:66

So olketa go long kev ya, an olketa satem gud an olketa putum mak long hem fo stopem olketa pipol fo no openem, an olketa letem olketa soldia fo sekiuriti gudfala long kev ya nao.

Matiu 28:2

!An seknomoa, wanfala bikfala etkuek hemi sekem evrisamting nao! An wanfala enjel blong God hemi kamdaon long heven, an hemi rolem go disfala ston an hemi go sidaon antap long hem nao.

Gudnius abaotem Jisas Kraes wea Luk hemi raetem 24:2

An taem olketa kasem kev ya nomoa, olketa lukim ston ya olketa bin rolem go finis, an kev ya hemi open nomoa.

Gudnius abaotem Jisas Kraes wea Jon hemi raetem 11:38

Nao Jisas hemi kasem disfala kev ya an hemi barava filnogud tumas moa. Disfala kev ya, olketa wakem insaet long bikfala ston, an wanfala ston nao hemi satem frant long kev ya.

Gudnius abaotem Jisas Kraes wea Jon hemi raetem 11:41

Olketa tekemaot disfala ston ya, an Jisas hemi luk goap long heven an hemi prea olsem, “Dadi, mi tengkiu long yu bikos yu herem mi finis.

Gudnius abaotem Jisas Kraes wea Jon hemi raetem 19:41

Long ples wea olketa nilam Jisas long kros long hem ya, hemi garem eria wea olketa plantem olketa naesfala tri long hem. An wanfala niufala kev hemi stap long eria ya tu wea olketa no putum eni man insaet long hem yet.

Gudnius abaotem Jisas Kraes wea Jon hemi raetem 20:1

Long eli moning long fas de long wik, taem hemi tudak yet, Meri blong Magdala ya hemi go long disfala kev ya. Taem hemi kasem kev ya, hemi lukim dat disfala ston wea olketa satem kev ya long hem, olketa tekemaot nao.