Matiu 26:53 - Pijin Deuterocanon

⁵³ ?Waswe, yu no save nomoa dat Dadi blong mi hemi save helpem mi sapos mi askem hem? Hemi save sendem kam kuiktaem nomoa plande taosen enjel fo sevem mi.

Pijin Bible

⁵³ ?Waswe, yu no save nomoa dat Dadi blong mi hemi save helpem mi sapos mi askem hem? Hemi save sendem kam kuiktaem nomoa plande taosen enjel fo sevem mi.

Matiu 26:53 ပူးပေါင်းရင်းမြစ်များ

2 Kings 6:17

An hemi prea olsem, “Lod Yawe, plis yu openem ae blong wakaman ya, mekem hemi lukim paoa blong yu.” So Yawe hemi openem ae blong wakaman ya. Den hemi lukim hil wea tufala stap, hemi fulap long olketa hos an kaat fo faet wea i luk olsem faea. Olketa ya i evriwea raonem Elaesa.

Daniel 7:10

An faea wea hemi gohed fo kamaot long tron ya, hemi gohed fo ran olsem wanfala riva. Plande taosen pipol wea no eniwan save kaondem i stanap frant long hem, olketa redi fo duim wanem hemi laekem. Taem olketa jaj i sidaon, olketa openem nao olketa kot buk.

Matiu 25:31

Nao Jisas hemi sei moa, “Taem mi San Blong Man, mi kambaek wetem saen blong paoa blong God an wetem evri enjel blong mi, bae mi sidaon fo rul long paoa blong God.

Matiu 4:11

So distaem nomoa, Seitan hemi goawe from Jisas nao. An long semtaem ya tu, olketa enjel olketa kam long Jisas fo helpem hem.

Gudnius abaotem Jisas Kraes wea Mak hemi raetem 5:15

Taem olketa kasem Jisas nomoa, olketa lukim tu disfala man wea bikfala seksin long olketa devol bin stap long hem bifoa. Bat distaem tingting blong hem hemi gud nao, an hemi werem tu kaleko, an hemi gohed fo sidaon kuaet nomoa. So olketa pipol ya barava fraet fogud nao.

Gudnius abaotem Jisas Kraes wea Mak hemi raetem 5:9

Nao Jisas hemi askem hem moa, “?Hu nao nem blong yu?” Man ya hemi tok olsem, “Nem blong mi nao Bikfala Seksin, bikos mifala barava plande tumas ya.”

Gudnius abaotem Jisas Kraes wea Luk hemi raetem 8:30

Nao Jisas hemi askem hem, “?Hu nao nem blong yu?” Nao man ya hemi sei, “Nem blong mi nao Bikfala Seksin.” Hemi talem olsem bikos plande devol tumas nao olketa stap long hem.

Gudnius abaotem Jisas Kraes wea Jon hemi raetem 10:18

No eniwan save kilim mi dae sapos mi no letem, bat distaem mi wiling nomoa fo dae. Mi nomoa mi garem paoa fo letem mi seleva fo dae, an mi garem paoa fo mi laefbaek moa. Hem nao wanem Dadi blong mi hemi talem mi fo duim.”

Gudnius abaotem Jisas Kraes wea Jon hemi raetem 18:36

Jisas hemi ansarem hem olsem, “Mi no king olsem olketa king long disfala wol ya. Sapos mi king olsem olketa, bae olketa man blong mi olketa faet strong ya, mekem olketa bikman blong olketa Jiu i no save kasholem mi. Bat mi no king blong hia ya.”

2 Tesalonaeka 1:7

An fo yufala wea yufala barava safa tumas an fo mifala tu, bae God hemi finisim trabol blong yumi evriwan. Diswan bae hemi hapen long taem wea Jisas Masta blong yumi, bae hemi kamdaon from heven wetem olketa enjel blong hem hu i garem strongfala paoa.

Jiud 1:14

Inok hemi mekseven man hu hemi bon kam long laen blong Adam, an hemi talemaot tru toktok abaotem olketa tu ya. Hemi sei, “Yufala lukim, Masta bae hemi kam wetem plande taosen long olketa holi enjel blong hem ya.