Matiu 25:6 - Pijin Deuterocanon

⁶ “Bat kasem long midol long naet nomoa, wanfala man hemi singaot olsem kam nao, ‘!Olketa! !Man fo marit ya hemi kam nao, yufala kam fo mitim hem!’

Pijin Bible

⁶ “Bat kasem long midol long naet nomoa, wanfala man hemi singaot olsem kam nao, ‘!Olketa! !Man fo marit ya hemi kam nao, yufala kam fo mitim hem!’

Matiu 25:6 ပူးပေါင်းရင်းမြစ်များ

Aesaea 25:9

Long taem ya, bae olketa pipol i tok olsem, “!Hem nao Yawe hu hemi God blong yumi! Yumi bin trastem hem, an hemi sevem yumi. Yumi mas barava hapi, bikos hem nao hemi sevem yumi.”

Emos 4:12

!Yufala pipol long Israel! !From diswan nao, bae mi barava panisim yufala fogud! So, yufala evriwan mas redim yufala seleva fo stanap frant long mi taem mi jajem yufala.? Hem nao mesij blong Yawe.

Matiu 24:31

An wanfala trampet bae olketa bloum bikfala fo sendemaot olketa enjel blong mi fo go long evri ples long disfala wol, stat long wanfala en go-go kasem nara en, fo olketa tekem kam olketa pipol wea mi siusim olketa finis.”

Matiu 24:44

So yufala tu yufala mas redi olowe, bikos mi San Blong Man, bae mi kambaek long taem wea yufala nating save long hem.”

Matiu 25:1

Nao Jisas hemi sei moa, “Long taem ya, kingdom long Heven bae hemi olsem tenfala gele wea olketa tekem olketa lam blong olketa an olketa go fo mitim wanfala man hu hemi redi fo marit.

Matiu 25:31

Nao Jisas hemi sei moa, “Taem mi San Blong Man, mi kambaek wetem saen blong paoa blong God an wetem evri enjel blong mi, bae mi sidaon fo rul long paoa blong God.

Matiu 25:5

Nao disfala man fo marit ya, hemi no kam kuiktaem. So tenfala gele ya, olketa weitem hem go-go olketa taet tumas an olketa slip nao.

Matiu 25:7

Long taem ya, tenfala gele ya olketa wekap nomoa, an olketa mekredi long olketa lam nao.

Gudnius abaotem Jisas Kraes wea Luk hemi raetem 12:20

Bat God hemi tok olsem long man ya, ‘!Yu krangge man! Long disfala naet ya, bae yu barava lusim laef blong yu ya. ?An yu tingse hu nao bae hemi tekem olketa samting wea yu bin hipimap fo yu seleva?’”

Gudnius abaotem Jisas Kraes wea Luk hemi raetem 12:46

Bat seknomoa, bos blong hem hemi kambaek nao long de an long taem wea wakaman ya hemi nating redi long hem. Bae disfala bos ya hemi panisim fogud disfala wakaman. Bae hemi panisim hem tugeta wetem olketa nara pipol wea olketa no duim waka blong olketa gudfala.

1 Tesalonaeka 4:16

Bikos taem Masta blong yumi hemi kamdaon from heven, an sif blong olketa enjel hemi singaot, an yumi herem saon long trampet blong God, bae olketa hu i biliv long Kraes an i dae finis, olketa nao bae i laefbaek fastaem.

2 Pita 3:10

Bat disfala De blong Masta, bae hemi kam olsem wanfala man fo stil, wea yumi no save long taem wea bae hemi kam. Long datfala De, bae bikfala noes hemi kamaot long skae an skae bae hemi lus. An bikfala faea tu bae hemi bonem evrisamting long skae go-go hemi nogud nao. An disfala wol tu wetem evrisamting long hem, bae i lus nao.

Revelesin 16:15

(Jisas hemi tok olsem, “!Yufala lisin gudfala! !Bae mi kambaek long yufala, olsem man fo stil hemi save kam! Man hu hemi lukaot olowe an hemi lukaftarem gud kaleko blong hem, bae hemi hapi long taem ya. Bikos hemi no neket, an bae hemi no filsem long ae blong olketa pipol.”)