Matiu 24:27 - Pijin Deuterocanon

²⁷ Bikos taem mi San Blong Man mi kambaek, bae hemi klia olsem laetning wea hemi saen kam long skae, stat kam long saet long ist go kasem saet long west.

Pijin Bible

²⁷ Bikos taem mi San Blong Man mi kambaek, bae hemi klia olsem laetning wea hemi saen kam long skae, stat kam long saet long ist go kasem saet long west.

Matiu 24:27 ပူးပေါင်းရင်းမြစ်များ

Stori abaotem Job 37:3

Hemi sutim go laetning akros long skae, stat long wan saet go kasem nara saet.

Stori abaotem Job 38:35

?Waswe, yu save tokstrong nomoa long olketa laetning fo laet? ?Waswe, yu tingse olketa laetning save kam an tok olsem nomoa long yu, “Masta mifala long hia nao” ya?

Aesaea 30:30

Bae Yawe hu hemi King blong yumi, hemi mekem evri pipol fo herem bikfala voes blong hem. An bae hemi somaot paoa blong hem long olketa olsem wanfala faea wea hemi hot fogud an hemi bonem evrisamting. Ya, bae hemi kam olsem tanda an kamdaon olsem bikfala ren wetem olketa ston blong aes.

Esikiel 1:14

Olketa laef samting ya i gohed fo muv go an kambaek kuiktaem tumas olsem flas blong laetning.

Sekaraea 9:14

(Profet) Yawe bae hemi kam long olketa pipol blong hem, an aro wea hemi sut long hem hemi laet olsem laetning. Lod Yawe bae hemi bloum bikfala trampet blong hem, an taem hemi maas kam, bae hemi olsem bikfala win wea hemi blou kamaot long saot.

Malakae 3:2

?Bat hu nao hemi fitim fo stanap strong long datfala de wea man ya hemi kam? Ya, no eniwan save stanap taem hemi lukim hem. Bae hemi olsem man hu hemi bonem silva fo aotem ravis blong hem, o olsem man hu hemi yusim sop fo aotem doti long kaleko.

Malakae 4:5

?Bae mi sendem kam Profet Elaeja fo kam long yufala bifoa disfala bikfala De blong mi fo jaj wea evri pipol i seksek long hem hemi kam.

Matiu 16:27

“Bae mi San Blong Man, mi kambaek moa wetem saen blong bikfala paoa blong Dadi blong mi an wetem olketa enjel blong hem. Long taem ya, bae mi givim gudfala samting long evriwan fitim waka wea olketa bin duim.

Matiu 16:28

An mi talem yufala tru samting nao, samfala long yufala hu i stanap long hia, bifoa yufala dae, bae yufala lukim mi San Blong Man, mi kam long kingdom blong mi.”

Matiu 24:26

“So sapos olketa pipol i sei long yufala, ‘!Lukim, hemi stap long drae eria ya!’ yufala mas no go long ples ya. O sapos olketa sei, ‘!Lukim, hemi stap long disfala haos ya!’ yufala mas no bilivim toktok ya tu.

Matiu 24:3

Nao wanfala taem, Jisas hemi sidaon long hil blong Oliv tri an olketa disaepol blong hem olketa kam seleva long hem nao, an olketa sei, “?Wataem nao bae olketa samting ya i hapen? ?An watkaen saen nao bae hemi kamap fo somaot dat hemi kasem taem wea yu bae i kambaek long hem an disfala wol bae hemi finis?”

Matiu 24:37

An wanem hemi hapen long taem blong Noa, hem tu bae hemi hapen long taem mi San Blong Man mi kambaek.

Matiu 24:39

An olketa nating tingim enisamting bae hemi kasem olketa, bat seknomoa, bikfala flad ya hemi kam nao an hemi tekem evriwan go. An hem nao wanem bae hemi hapen taem mi San Blong Man mi kambaek.

Matiu 24:44

So yufala tu yufala mas redi olowe, bikos mi San Blong Man, bae mi kambaek long taem wea yufala nating save long hem.”

Matiu 8:20

Bat Jisas hemi sei long hem, “Olketa wael animol olketa garem ples blong olketa seleva fo slip, an olketa bed tu olketa garem ples blong olketa seleva. Bat mi San Blong Man, mi no garem eni ples fo slip long hem.”

Jemes 5:8

So yufala tu mas wiling fo weit nomoa. !Yufala no wari, Masta blong yumi hemi kolsap kambaek nao!

2 Pita 3:4

An bae olketa sei, “?Wea nao Jisas ya? ?Hemi promis fo kambaek, bat wea nao hemi stap? Olketa olo blong yumi i dae finis, bat evrisamting hemi semsem nomoa olsem taem disfala wol hemi stat.”