Matiu 20:24 - Pijin Deuterocanon

²⁴ Taem nara tenfala disaepol ya olketa herem diswan nomoa, olketa kros tumas long tufala brata ya.

Pijin Bible

²⁴ Taem nara tenfala disaepol ya olketa herem diswan nomoa, olketa kros tumas long tufala brata ya.

Matiu 20:24 ပူးပေါင်းရင်းမြစ်များ

Provebs 13:10

Praod man hemi statem raoa nomoa, bat man hemi herem advaes hemi waes.

Matiu 20:23

So Jisas hemi sei moa long tufala, “Hemi tru, bae yutufala safa long diskaen wei ya, bat fo sidaon long raetsaet blong mi an long lefsaet blong mi, hemi no waka blong mi nao fo givim long eniwan ya. Dadi blong mi nao bae hemi givim olketa ples ya long olketa wea hemi siusim finis.”

Matiu 20:25

So Jisas hemi kolem olketa evriwan fo kam long hem, an hemi sei, “Yufala save finis wea olketa bikman long disfala wol olketa save bosim tumas pipol blong olketa. An olketa lida tu save fosim tumas pipol blong olketa.

Gudnius abaotem Jisas Kraes wea Mak hemi raetem 10:14

Nao taem Jisas hemi lukim diswan nomoa, hemi barava kros tumas long olketa disaepol blong hem an hemi talem olketa olsem, “Yufala letem olketa pikinini fo kam long mi. Yufala no stopem olketa. Bikos olketa wea i olsem olketa pikinini ya, olketa nao fitim fo stap insaet long kingdom blong God.

Gudnius abaotem Jisas Kraes wea Mak hemi raetem 10:41

Taem nara tenfala disaepol ya olketa herem diswan nomoa, olketa kros tumas nao long Jemes an Jon.

Gudnius abaotem Jisas Kraes wea Luk hemi raetem 13:14

Taem bikman blong preahaos ya hemi lukim dat Jisas hemi mekem woman ya fo gudbaek moa long Sabat de, hemi barava kros fogud nao. An hemi tok olsem long olketa pipol ya, “Siksfala de nao yumi save duim waka long hem. So sapos yufala laekem eniwan fo tekemaot siknis blong yufala, yufala save kam long olketa de olsem. !Bat yufala no kam fo diswan long Sabat de!”

1 Korin 13:4

Lav hemi save mekem man fo no kros kuiktaem, an fo kaen gudfala. Lav hemi save mekem man fo no joles, an fo no haemapem hem seleva an fo no praod.

Filipae 2:3

Yufala mas no tingim yufala seleva nomoa an no trae fo haemapem yufala seleva. Bat yufala mas hambol an tingim olketa nara pipol olsem olketa nao gudfala winim yufala.

Jemes 3:14

Bat sapos tingting blong yufala hemi fulap long enikaen wei fo joles an kros, an yufala tingting long yufala seleva nomoa, oraet, yufala mas lukaot. Nogud yufala praod nating nomoa an yufala sei yufala garem waes tingting, bat hemi nating tru.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”