Matiu 17:27 - Pijin Deuterocanon

²⁷ Bat nomata olsem, yumi no wande fo mekem olketa fo tingting nogud long yumi. So yu go long leik ya, an yu torowem fising laen blong yu. An disfala fis wea yu kasem fastaem ya, yu openem maos blong hem, an bae yu faendem wanfala seleni insaet. Bae yu tekem diswan go fo peim taks blong yumitufala nao.”

Pijin Bible

²⁷ Bat nomata olsem, yumi no wande fo mekem olketa fo tingting nogud long yumi. So yu go long leik ya, an yu torowem fising laen blong yu. An disfala fis wea yu kasem fastaem ya, yu openem maos blong hem, an bae yu faendem wanfala seleni insaet. Bae yu tekem diswan go fo peim taks blong yumitufala nao.”

Matiu 17:27 ပူးပေါင်းရင်းမြစ်များ

Jenesis 1:28

Nao hemi blesim tufala, an hemi talem tufala olsem, “Hemi gud fo yutufala garem plande pikinini mekem olketa wea bae olketa kamaot bihaen long yutufala, bae olketa save go an stap long evri ples long wol. Nao bae yufala save mekem evrisamting long wol ya fo stap andanit long han blong yufala. Mi putum yufala, mekem yufala rul ovarem olketa fis, an olketa bed, an olketa narasamting moa wea i garem laef wea olketa stap long wol ya.”

1 Kings 17:4

Bae yu save dringim wata long ples ya, an mi talem finis long olketa bed fo karim kam kaikai fo yu.”

Sams 8:8

an olketa bed an olketa fis an evrisamting insaet long solwata.

Jona 1:17

Oraet, Yawe hemi mekem wanfala bikfala fis fo kam sualomdaon Jona, an hemi stap insaet long bele blong fis ya fo trifala de an trifala naet.

Jona 2:10

Taem Jona hemi prea olsem, Yawe hemi tok long fis ya, an hemi gosoa an toraotem profet ya long sanbis.

Matiu 17:26

Nao Pita hemi sei, “Olketa deferen pipol nao ya.” So Jisas hemi sei moa, “Hem nao ya, olketa san blong king olketa no save peim taks ya.

Matiu 18:6

“An sapos wanfala man hemi mekem wanfala long olketa smolfala pikinini wea olketa biliv long mi fo lusim biliv blong hem, hemi moabeta sapos olketa taemapem wanfala bikfala ston long nek blong man ya an torowem godaon insaet long dip si.

Matiu 18:8

“Sapos han o lek blong yu hemi mekem yu fo lusim biliv blong yu, yu mas katemaot an torowem nomoa. Moabeta sapos yu garem wanfala han o wanfala lek nomoa an yu save go insaet long tru laef. Nogud yu garem tufala han an tufala lek bat olketa torowem yu go long faea wea hemi no save dae.

Matiu 5:29

Sapos ae blong yu hemi mekem yu fo sin, yu mas tekemaot an yu torowem go nomoa. Moabeta sapos yu lusim nomoa smolfala pat long bodi, bat olketa no torowem bodi blong yu go long hel ya.

Matiu 5:30

An sapos han blong yu hemi mekem yu fo sin, yu mas katemaot an torowem go nomoa. Moabeta sapos yu lusim smolfala pat long bodi nomoa, bat bodi blong yu hemi no go long hel.

Gudnius abaotem Jisas Kraes wea Mak hemi raetem 9:42

An Jisas hemi sei moa, “Sapos wanfala man hemi mekem wanfala long olketa pikinini ya fo lusim biliv blong hem long mi, hemi moabeta sapos olketa taemapem wanfala bikfala ston long nek blong man ya an torowem godaon insaet long si.

Gudnius abaotem Jisas Kraes wea Mak hemi raetem 9:43

An sapos han blong yu hemi mekem yu fo lusim biliv blong yu, yu mas katemaot nomoa. Moabeta yu garem wanfala han nomoa an yu save go insaet long tru laef. Nogud yu garem tufala han bat yu mas go insaet long hel wea faea hemi no save dae.

Gudnius abaotem Jisas Kraes wea Luk hemi raetem 17:2

Sapos wanfala man hemi mekem wanfala long olketa pikinini wea olketa biliv long mi fo foldaon long sin, hemi moabeta sapos olketa taemapem wanfala bikfala ston long nek blong man ya an torowem godaon insaet long si.

Gudnius abaotem Jisas Kraes wea Jon hemi raetem 6:61

Nomata Jisas hemi no herem, bat hemi save finis wea olketa toktokhaed agensim disfala tising ya. So hemi askem olketa olsem, “?Waswe, disfala tising ya hemi mekem yufala fo no wande fo falom mi nao?

Leta wea Pol hemi raetem go long sios long Rom 14:21

So hemi gud sapos yufala no kaikaim mit an no dringim waen an no duim eni narasamting, wea bae hemi save mekem wanfala Kristin fren blong yufala fo garem trabol.

1 Korin 8:13

So sapos eni kaikai wea mi kaikaim hemi save mekem Kristin fren blong mi fo foldaon long sin, bae mi no save kaikaim diswan enitaem moa ya. Nogud mi mekem Kristin fren blong mi fo foldaon long sin.

1 Korin 8:9

Nomata olsem, yufala mas lukaot ya, nogud disfala samting wea yufala fit fo duim, hemi mekem olketa hu i no biliv strong yet fo olketa foldaon long sin.

2 Korin 6:3

Mifala trae fo no mekem enisamting wea hemi save spoelem tingting blong eniwan, bikos mifala no laekem eniwan fo tok agensim waka wea mifala duim.

2 Korin 8:9

Yufala save finis long kaenfala lav blong Masta blong yumi Jisas Kraes. Nomata hemi ris tumas, hemi mekem hem seleva fo kamap pua fo helpem yufala. Hemi stap olsem pua man long wol, mekem yufala kamap ris.

1 Tesalonaeka 5:22

an olketa nogud samting yufala mas no falom.

Jemes 2:5

Olketa gudfala fren blong mi, yufala lisin fastaem. God hemi siusim pipol hu i pua long wol, mekem olketa kamap ris long biliv blong olketa. Hemi siusim olketa, fo stap insaet long kingdom blong God, olsem wea hemi promisim finis long olketa hu i lavem hem.