Matiu 15:17 - Pijin Deuterocanon

¹⁷ ?Waswe, yufala no minim yet? Samting wea hemi go insaet long maos blong man, hemi godaon olowe insaet long bele blong hem nao. An bihaen, bae hemi goaot moa from bodi blong hem nomoa.

Pijin Bible

¹⁷ ?Waswe, yufala no minim yet? Samting wea hemi go insaet long maos blong man, hemi godaon olowe insaet long bele blong hem nao. An bihaen, bae hemi goaot moa from bodi blong hem nomoa.

Matiu 15:17 ပူးပေါင်းရင်းမြစ်များ

2 Kings 10:27

Olketa barava spoelem tambu ston ya, an olketa brekemdaon tambuhaos blong Baal. An olketa mekem tambuhaos ya fo kamap toelet blong olketa, an hemi olsem kam kasem tude.

Matiu 15:16

Bat Jisas hemi sei, “!Maewat! Hed blong yufala hemi tudak olsem olketa tu ya.

Matiu 15:18

Bat olketa toktok wea hemi kamaot long maos blong man, hem nao hemi kamaot long insaet long maen blong hem, an hem nao hemi save mekem man fo no klin.

Gudnius abaotem Jisas Kraes wea Mak hemi raetem 7:19

bikos hemi no go insaet long maen blong hem, bat hemi godaon olowe insaet long bele blong hem. An bihaen, bae hemi goaot moa from bodi blong hem nomoa.” Taem Jisas hemi tok olsem ya, hemi minim olsem evri kaikai hemi klin long ae blong God.

Gudnius abaotem Jisas Kraes wea Luk hemi raetem 6:45

Gudfala man hu hemi garem gudfala tingting long maen blong hem, hemi save duim olketa gudfala samting. Bat nogud man hu hemi garem olketa ravis tingting long maen blong hem, hemi save duim nomoa olketa ravis samting. Bikos wanem hemi fulap long maen blong wanfala man nao, hemi save kamaot long toktok blong hem.

1 Korin 6:13

Maet narafala man moa hemi sei, “Kaikai hemi samting fo helpem bele ya, an bele hemi fo holem kaikai nomoa.” Diswan hemi tru, bat tufala ya evriwan bae God hemi finisim nomoa. Bodi hemi no samting fo yusim fo durong wetem eniwan. Bodi hemi fo yusim long waka blong Masta an Masta nao hemi fo bosim disfala bodi ya.

Jemes 3:6

Maos blong man hemi olsem faea tu, bikos hemi save talem enikaen ravis samting nomoa. Nomata hemi wanfala smolfala pat nomoa long bodi, bat hemi save spoelem ful bodi blong yumi fo nogud. An hemi save barava spoelem tu laef blong yumi, wetem samting wea hemi barava kam from hel.