Malakae 3:14 - Pijin Deuterocanon

¹⁴ Yufala gohed fo talem dat hemi yusles nomoa fo duim waka blong mi Yawe hu mi garem evri paoa. Yufala tingse hemi nating helpem yufala fo obeim olketa lo blong mi an mekem yufala seleva fo luk olsem yufala sore tumas long ae blong mi.

Pijin Bible

¹⁴ Yufala gohed fo talem dat hemi yusles nomoa fo duim waka blong mi Yawe hu mi garem evri paoa. Yufala tingse hemi nating helpem yufala fo obeim olketa lo blong mi an mekem yufala seleva fo luk olsem yufala sore tumas long ae blong mi.

Malakae 3:14 ပူးပေါင်းရင်းမြစ်များ

Stori abaotem Job 22:17

Olketa pipol ya i les long God, an olketa nating bilivim wea God save duim enisamting long olketa.

Stori abaotem Job 34:9

Hemi talem dat hemi yusles nomoa fo duim wanem God hemi hapi long hem.

Stori abaotem Job 35:3

Long semtaem tu yu talem dat sapos yu no sin hemi no helpem yu fo garem eni gudfala samting.

Aesaea 43:22

Yawe hemi tok moa olsem, “!Olketa blong Israel! !Mi luksave dat yufala taet finis long mi, dastawe nao yufala no kol kam long mi!

Aesaea 58:3

“Bat olketa gohed fo komplen olsem long mi, ‘Yu nating luksave nomoa long wei wea mifala stop fo no kaikai fo tinghae long yu. An yu nating lukim nomoa wei wea mifala daonem mifala seleva fo mekhae long yu. ?Waswe nao mifala gohed nomoa fo duim olsem?’ “Bat mi Yawe mi tok olsem long olketa: Ya, hemi tru wea yufala gohed fo lusim kaikai fo tinghae long mi, bat yufala gohed nomoa fo duim wanem yufala seleva i laek fo duim. An yufala gohed nomoa fo mekem olketa wakaman blong yufala fo safa.

Jeremaea 18:12

“Bat bae olketa tok olsem, ‘!Nomoa! Mifala no save stop nao. Mifala mas gohed nao long olketa plan wea mifala bin mekem. Bae mifala evriwan i gohed fo bikhed tumas an mas falom nomoa olketa ravis wei long haat blong mifala.’”

Jeremaea 2:25

Yufala mas stop fo no aftarem olketa narafala god ya, nogud lek blong yufala hemi taet wea yufala no save wakabaot an maos blong yufala hemi kamap barava drae. Bat yufala gohed fo sei, ‘!Ei! Mi no save stop nao, bikos mi laekem tumas fo falom olketa narafala god ya, an mi mas aftarem.’

Jeremaea 44:18

Bat stat long taem wea mifala stop fo no bonem insens fo mekem wosip long Kuin blong Heven ya, an mifala stop fo no kapsaetem waen fo givim presen long hem, yumi sot long evrisamting, olketa pipol blong yumi bin gohed fo dae long taem fo faet, an long taem blong hanggre.”

Hosia 7:16

Oltaem olketa aftarem evri narafala god, bat olketa nating lukap kam nomoa long mi. Olketa nating save falom stretfala wei blong mi. Olketa olsem nomoa bou wea man no save sut stret long hem. Bikos evri lida blong olketa i haemapem olketa seleva tumas, bae evriwan long olketa mas dae long faet. Olketa pipol blong Ijip bae i laf fogud long olketa from diswan.”

Joel 2:12

Yawe nao hemi tok olsem, “Pipol blong Israel. Nomata olketa trabol ya hemi kasem yufala, yufala mas tanem tingting blong yufala from olketa sin blong yufala an kambaek long mi. Yufala mas somaot diswan long wei wea yufala stop fo no kaikai, an yufala mas sore an krae.

Sefenaea 1:12

?Long datfala taem, bae mi yusim laet fo lukaotem olketa pipol long Jerusalem. Bae mi panisim olketa hu i sidaon nating an tingse olketa stapgud nomoa. Olketa ya i tingse, ?Yawe bae hemi no duim eni gudfala samting o eni nogud samting long yumi.?

Malakae 3:13

Hem ya toktok blong Yawe. Hemi tok olsem, ?Yufala barava tokspoelem mi nao. Bat yufala tok olsem, ??Hao nao mifala tokspoelem yu??

Jemes 4:9

Yufala mas barava sore an krae. Hemi no fitim fo yufala laf, yufala mas krae. An hemi no fitim fo yufala hapi, yufala mas sore.