Gudnius abaotem Jisas Kraes wea Luk hemi raetem 8:49 - Pijin Deuterocanon

⁴⁹ Taem Jisas hemi gohed yet fo toktok, wanfala man wea hemi stap kam long haos blong Jaeras, hemi kam kasem olketa nao. An hemi tok olsem long Jaeras, “!Ei, gele blong yu hemi dae finis nao! Yu no mekem Tisa fo hadwaka moa.”

Pijin Bible

⁴⁹ Taem Jisas hemi gohed yet fo toktok, wanfala man wea hemi stap kam long haos blong Jaeras, hemi kam kasem olketa nao. An hemi tok olsem long Jaeras, “!Ei, gele blong yu hemi dae finis nao! Yu no mekem Tisa fo hadwaka moa.”

Gudnius abaotem Jisas Kraes wea Luk hemi raetem 8:49 ပူးပေါင်းရင်းမြစ်များ

Aesaea 7:12

Bat king hemi tok olsem, “!Nomoa! !Bae mi no askem eni saen long Yawe bikos mi no laek fo testem hem!”

Matiu 26:10

Bat Jisas hemi save nomoa long wanem olketa talem, so hemi sei nao, “?Waswe nao yufala tokspoelem woman ya? Gudfala samting nao hemi duim fo mi ya.

Matiu 9:18

Taem Jisas hemi toktok yet long olketa ya, wanfala bikman long taon long Kapaneam hemi kam nao. An hemi nildaon long frant blong Jisas an hemi sei, “Gele blong mi hemi dae nao. Plis, yu kam putum han blong yu long hem, mekem hemi laefbaek moa.”

Gudnius abaotem Jisas Kraes wea Mak hemi raetem 5:22

An wanfala man nao hemi kam fo lukim Jisas, wea nem blong hem Jaeras hu hemi wanfala lida blong preahaos long ples ya. Hemi kam an nildaon long frant blong Jisas,

Gudnius abaotem Jisas Kraes wea Luk hemi raetem 11:7

Nao man wea hemi stap insaet long haos ya hemi tok olsem, ‘!Ei man! Yu no mekem mi fo hadwaka moa. Doa hemi sat finis ya, an mi wetem olketa pikinini blong mi, mifala slip finis nao. Mi talem yu stret, mi no save getap an givim enisamting long yu nao.’

Gudnius abaotem Jisas Kraes wea Luk hemi raetem 7:6

So Jisas hemi go wetem olketa man ya nao. Bat taem hemi kolsap kasem haos blong bikman ya, bikman ya hemi sendem go samfala fren blong hem fo talem Jisas olsem, “Masta, yu no hadwaka fo kam nomoa, bikos mi ya mi nating fitim fo yu kam insaet long haos blong mi.