Gudnius abaotem Jisas Kraes wea Luk hemi raetem 4:25 - Pijin Deuterocanon

²⁵ “Mi talem yufala, long taem blong profet Elaeja, hemi no ren fo trifala yia an siksfala mans, go-go bikfala taem blong hanggre hemi kamap nao. An long taem ya, plande wido woman olketa stap nomoa long Israel,

Pijin Bible

²⁵ “Mi talem yufala, long taem blong profet Elaeja, hemi no ren fo trifala yia an siksfala mans, go-go bikfala taem blong hanggre hemi kamap nao. An long taem ya, plande wido woman olketa stap nomoa long Israel,

Gudnius abaotem Jisas Kraes wea Luk hemi raetem 4:25 ပူးပေါင်းရင်းမြစ်များ

1 Kings 17:1

Profet Elaeja hemi man blong Tisbe long Gilead. Nao hemi tok olsem long King Ehab, “Olsem Yawe, God blong Israel, hemi laef olowe, mi tok tru long yu. Mi wakaman blong hem, an mi talem stret long yu, bae hemi no ren fo tu-tri yia. An nomata diu wea i foldaon long naet, bae hemi no save foldaon tu. Bae hemi olsem go-go mi talem hem fo ren.”

Aesaea 55:8

Hem ya mesij blong Yawe. Hemi tok olsem, “Tingting blong mi hemi no olsem tingting blong yufala, an wei blong mi hemi no olsem wei blong yufala.

Matiu 20:15

?Waswe, yu tingse mi no garem paoa fo duim wanem mi laek fo duim long seleni blong mi seleva? ?O waswe, yu joles nomoa bikos mi kaen olsem?’”

Gudnius abaotem Jisas Kraes wea Luk hemi raetem 10:21

Nao long taem ya, Holi Spirit hemi mekem Jisas barava hapi fogud nao, an hemi tok olsem, “Dadi, yu nao yu Masta blong evrisamting long heven an long disfala wol. Mi tengkiu tumas long yu, bikos yu haedem olketa samting long olketa pipol hu i waes an save tumas, bat yu somaot olketa samting ya long olketa hu i olsem smolfala pikinini. Tru ya Dadi, hem nao wanem yu laekem tumas fo hapen.”

Leta wea Pol hemi raetem go long sios long Rom 9:15

Bikos God hemi talem go long Mosis olsem, “Man wea mi siusim fo mi kaen long hem, bae mi kaen long hem, an man wea mi siusim fo mi sore long hem, bae mi sore long hem”

Leta wea Pol hemi raetem go long sios long Rom 9:20

Bat mi ansarem olsem, ?Yu tingse yu hu ya, mekem yu save tokbaek long God? Ating pot wea man hemi wakem long graon, hemi no save tokbaek long man ya olsem, “?Waswe nao yu mekem mi olsem?”

Efesas 1:11

Evrisamting ya, God hemi duim falom plan an tingting blong hem seleva. God hemi falom tingting blong hem, wea hemi siusim yumi bifoa kam yet. Hemi bin siusim yumi fo kamap pipol blong hem wea yumi joen wetem Kraes.

Efesas 1:9

hemi somaot finis long yumi disfala plan wea hemi bin staphaed, wea hemi tingim bifoa kam fo Kraes nao hemi finisim.

Jemes 5:17

Profet Elaeja hemi wanfala man olsem yumi nomoa. Bat hemi prea strong long God fo stopem ren, an hemi no ren long ples blong olketa fo trifala yia an siksfala mans.

Revelesin 11:6

An tufala garem paoa fo stopem ren long skae, mekem ren hemi no save foldaon taem tufala gohed fo talemaot toktok blong God. An tufala garem tu paoa fo tanem olketa wata long blad. An tufala garem tu paoa fo mekem enikaen bikfala trabol fo spoelem pipol long wol, long enitaem tufala laekem.