Gudnius abaotem Jisas Kraes wea Luk hemi raetem 12:24 - Pijin Deuterocanon

²⁴ Yufala tingting fastaem long olketa bed ya. Olketa nating wari fo wakem eni gaden o fo tekem kaikai kam long gaden, an olketa no garem eni haos tu fo kipim kaikai long hem. Bat nomata olsem, God nao hemi fidim olketa. Bat yufala ya, yufala nao bikfala samting long ae blong God winim olketa bed ya.

Pijin Bible

²⁴ Yufala tingting fastaem long olketa bed ya. Olketa nating wari fo wakem eni gaden o fo tekem kaikai kam long gaden, an olketa no garem eni haos tu fo kipim kaikai long hem. Bat nomata olsem, God nao hemi fidim olketa. Bat yufala ya, yufala nao bikfala samting long ae blong God winim olketa bed ya.

Gudnius abaotem Jisas Kraes wea Luk hemi raetem 12:24 ပူးပေါင်းရင်းမြစ်များ

Stori abaotem Job 35:11

Nomata God hemi mekem pipol fo waes moa winim olketa animol an olketa bed, olketa pipol no tane go long hem fo hemi helpem olketa.

Stori abaotem Job 38:41

?Hu nao hemi givim kaikai long olketa bikfala bed taem olketa hanggre an lukaotem kaikai? ?Ya, hu nao hemi fidim pikinini blong olketa bed ya taem olketa hanggre an krae kam long mi?

Sams 147:9

Hemi givim kaikai long olketa animol, an hemi fidim olketa pikinini blong bed, taem olketa hanggre an krae fo kaikai.

Matiu 10:31

So yufala mas no fraetem enisamting, bikos yufala nao bikfala winim go moa plande bed ya.

Matiu 3:12

Bikos hem nao hemi garem paoa fo jajem evriwan. Hemi olsem wanfala wakaman wea hemi klinim olketa frut blong wit, mekem olketa stap deferen from skin blong olketa. Bae hemi tekem olketa gudfala frut ya an putum olketa insaet long haos blong hem. Bat olketa skin blong wit ya bae hemi bonem long faea wea hemi no save dae.”

Matiu 6:26

Yufala tingting fastaem long olketa bed wea olketa flae olobaot ya. Olketa nating wari fo wakem eni gaden o fo tekem kaikai kam from gaden fo hipimap long eni haos tu. Bat nomata olsem, Dadi blong yufala long heven, hemi fidim olketa bed ya. Bat yufala ya, yufala nao bik samting long ae blong God winim olketa bed ya.

Gudnius abaotem Jisas Kraes wea Mak hemi raetem 6:26

King ya hemi barava sore tumas nao. Bat bikos hemi mekem promis finis an olketa fren blong hem olketa bin herem, hemi no save go agensim wanem gele hemi laekem ya.

Gudnius abaotem Jisas Kraes wea Luk hemi raetem 12:18

So hemi sei long hem seleva olsem, ‘Hem nao wanem bae mi duim ya. Olketa haos blong mi fo kipim kaikai long olketa, bae mi brekemdaon nomoa an bae mi wakem olketa haos wea olketa barava bikfala go moa. Bihaen, bae mi tekem olketa kaikai ya wetem evri narasamting blong mi moa an bae mi hipimap insaet long olketa haos ya nao.

Gudnius abaotem Jisas Kraes wea Luk hemi raetem 12:23

Bikos laef nao hemi bikfala samting moa winim kaikai, an bodi nao hemi bikfala samting moa winim kaleko yu werem.

Gudnius abaotem Jisas Kraes wea Luk hemi raetem 12:7

Yufala save, nomata olketa hea long hed blong yufala, God hemi save long evriwan. So yufala mas no fraetem enisamting, bikos yufala nao bikfala winim go moa plande bed ya.”