Gudnius abaotem Jisas Kraes wea Luk hemi raetem 1:28 - Pijin Deuterocanon

²⁸ So taem enjel ya hemi go kasem Meri, hemi sei, “Piis blong God hemi stap wetem yu. God hemi stap wetem yu an hemi blesim yu.”

Pijin Bible

²⁸ So taem enjel ya hemi go kasem Meri, hemi sei, “Piis blong God hemi stap wetem yu. God hemi stap wetem yu an hemi blesim yu.”

Gudnius abaotem Jisas Kraes wea Luk hemi raetem 1:28 ပူးပေါင်းရင်းမြစ်များ

Aesaea 43:5

“!Yufala no fraet! Mi stap nomoa wetem yufala. Nomata olketa long laen blong yufala ya i stap farawe kam long ist, o long west, bae mi save tekem olketa nomoa fo kam hom.

Daniel 10:19

An hemi tok olsem long mi, “Yu no wari o fraet, bikos God hemi lavem yu tumas. Yu mas barava stanap strong.” Taem hemi tok olsem, mi filim wea mi kamap strong moa, an mi tok olsem, “Bikman, yu talem kam wanem yu laek fo talem long mi, bikos distaem mi kamap strong moa nao.”

Hosia 14:2

Tanem tingting blong yufala an kambaek moa long Yawe. Yufala mas prea olsem long hem, “O Yawe. Plis yu lisin kam long prea blong mifala an aotem olketa sin blong mifala. An bae mifala preisim yu fo hemi olsem sakrifaes go long yu.

Matiu 12:48

Bat Jisas hemi tok olsem long man ya, “?Hu nao mami blong mi an hu nao olketa brata blong mi?”

Gudnius abaotem Jisas Kraes wea Luk hemi raetem 1:27

Enjel ya hemi tekem go nius fo wanfala yang gele, wea olketa mektambu long hem fo hemi maritim wanfala man, nem blong hem Josef hu hemi bon kam long laen blong King Deved. Nem blong disfala yang gele ya nao Meri.

Gudnius abaotem Jisas Kraes wea Luk hemi raetem 1:29

Bat Meri hemi wari fogud long toktok ya, an hemi traehad fo tingim wanem nao disfala toktok ya hemi minim.

Gudnius abaotem Jisas Kraes wea Luk hemi raetem 1:30

Nao enjel ya, hemi tok olsem long hem moa, “Meri, yu no fraet. God hemi barava hapi tumas wetem yu.

Gudnius abaotem Jisas Kraes wea Luk hemi raetem 1:42

mekem hemi tok bikfala olsem, “!God hemi blesim yu winim evri nara woman moa, an hemi blesim go moa pikinini wea yu babule long hem!

Aposol 18:10

bikos mi nao mi stap wetem yu. Bae no eniwan hemi save spoelem yu, bikos plande pipol long biktaon ya olketa pipol blong mi ya.”

Efesas 1:6

Yumi mas preisim God fo kaenfala lav blong hem wea hemi barava nambawan tumas, wea hemi givim fri long yumi bikos yumi stap joen wetem San blong hem wea hemi lavem.

Jajis 5:24

“Jael, waef blong Heba long laen blong Kein, bae God hemi blesim yu winim evri narafala woman, an hemi mekem yu hapi moa winim olketa woman hu i stap long olketa haostent.

Jajis 6:12

Taem Gidion hemi lukim hem, Enjel blong Yawe hemi tok olsem long hem, “Distaem Yawe hemi stap wetem yu an yu wanfala nambawan man fo faet.”

Stori abaotem Rut 2:4

Bihaen, Boas hemi lusim taon blong hem, an hemi kam long gaden ya nao. Hemi talem halo long olketa wakaman blong hem hu i gohed fo katemaot olketa bali, hemi tok olsem, “Letem Yawe hemi stap wetem yufala.” An olketa tok olsem, “Letem Yawe hemi blesim yu.”