Levitikas 8:2 - Pijin Deuterocanon

^2-3 “Tekem kam Eron wetem olketa san blong hem, long doa blong Tambu Haostent fo Mitim God. An tekem kam olketa spesol kaleko blong prist, an tambu oel, an disfala man buluka blong sakrifaes fo mekem olketa stret moa long ae blong mi, an tufala man sipsip an disfala basket wea hemi garem trifala kaen bred wea hemi no garem yist. An yu mas kolem evriwan fo kam tugeta long datfala ples.”

Pijin Bible

^2-3 “Tekem kam Eron wetem olketa san blong hem, long doa blong Tambu Haostent fo Mitim God. An tekem kam olketa spesol kaleko blong prist, an tambu oel, an disfala man buluka blong sakrifaes fo mekem olketa stret moa long ae blong mi, an tufala man sipsip an disfala basket wea hemi garem trifala kaen bred wea hemi no garem yist. An yu mas kolem evriwan fo kam tugeta long datfala ples.”

Levitikas 8:2 ပူးပေါင်းရင်းမြစ်များ

Eksodas 28:1

Yawe hemi tok olsem moa long Mosis, “Taem yu gobaek, bae yu mas kolem brata blong yu Eron an olketa san blong hem, Nadab, an Abihu, an Eleasa, an Itama, an tekemaot olketa from pipol blong Israel mekem olketa save waka fo mi olsem prist.

Eksodas 28:40

An yu mas wakem olketa longfala kaleko, an olketa strap, an olketa hat olsem tu fo olketa san blong hem, fo olketa luk impoten mekem olketa pipol save tinghae long olketa.

Eksodas 39:41

Olketa spesol tambu kaleko blong prist wea bae olketa werem fo go insaet long Tambu Rum. Hem nao olketa tambu kaleko wea Eron an olketa san blong hem bae i werem taem olketa duim waka blong prist.

Levitikas 6:10

Oraet, long moning, wanfala prist hemi mas werem spesol kaleko blong hem wetem sot trasis blong hem an hemi mas go fo tekemaot asis wetem olketa gris long hem, an putum go long saet blong olta.

Levitikas 8:1

Yawe hemi tok olsem long Mosis,

Levitikas 8:10

Mosis hemi tekem tambu oel, an torowem lelebet hemi go long Tambu Haostent, an long evrisamting wea i stap insaet long hem, fo mektambu long olketa samting ya.

Levitikas 8:18

Bihaen, hemi tekem man sipsip fo mekem sakrifaes wea hemi barava bone, an Eron wetem olketa san blong hem i kam an putum han blong olketa antap long hed blong sipsip ya.

Levitikas 8:22

Nao Mosis hemi tekem mektu man sipsip fo mektambu long Eron an olketa san blong hem, an olketa putum han blong olketa long hed blong sipsip ya.

Hibrus 7:27

Olketa nara haeprist ya i mekem olketa sakrifaes evri de nao. Fastaem, olketa mekem sakrifaes fo askem God fo finisim sin blong olketa seleva, an bihaen, olketa mekem sakrifaes fo sin blong olketa nara pipol. Bat Jisas hemi mekem wanfala sakrifaes nomoa wea hemi gohed fo waka olowe, taem hemi letem hem seleva fo dae, fo finisim sin blong evri pipol.