Levitikas 26:7 - Pijin Deuterocanon

⁷ An bae yufala save ronemaot olketa enemi blong yufala an kilim olketa dae.

Pijin Bible

⁷ An bae yufala save ronemaot olketa enemi blong yufala an kilim olketa dae.

Levitikas 26:7 ပူးပေါင်းရင်းမြစ်များ

1 Kronikols 19:15

An taem olketa soldia blong Amon i lukim dat olketa soldia blong Aram i gohed fo ranawe, olketa tu i ranawe from Abisae, an olketa go insaet long taon blong olketa moa. Bihaen, Joab hemi no faetem moa ami blong Amon, hemi gobaek long Jerusalem.

Esta 9:16

Olketa Jiu hu i stap aotsaet long taon long Susa long olketa provins blong kingdom ya, olketa redim olketa seleva tu fo faetem olketa enemi hu i laek fo kilim olketa dae. Olketa kilim dae 75,000 long olketa enemi. Bat olketa no tekem nomoa enisamting blong olketa.

Sams 81:15

Ya, sapos olketa pipol blong mi i gohed fo lisin long mi, bae mi mekem olketa hu i heitem mi fo fraet. An bae mi panisim olketa olowe nao.

Levitikas 26:36

“Bae mi mekem yufala hu i stap yet long olketa narafala kantri fo barava fraet fogud. Nomata noes blong wanfala lif wea win hemi bloum, bae hemi mekem yufala ranawe. An bae yufala ranawe olsem wea olketa enemi i ronem yufala, an bae yufala save foldaon nomata no eniwan hemi ronem yufala. An bae yufala gohed fo ran an bangam yufala seleva nomoa, an bae hemi mekem yufala fo foldaon olobaot, an bae yufala no garem paoa fo faetem enemi blong yufala.

Levitikas 26:6

An bae mi mekem lan blong yufala fo garem pis, an bae yufala save slip gudfala an no save fraetem enisamting long naet. Olketa wael animol wea i save kilim dae pipol, bae mi ronemaot olketa from ples blong yufala, an bae no eni faet save kam long ples blong yufala.

Levitikas 26:8

Faefala man blong yufala nomoa bae i save ronemaot 100 man blong olketa enemi, an 100 man blong yufala nomoa bae i save ronemaot 10,000 man blong olketa enemi, an kilim olketa dae.

Diutronomi 28:7

“Bae hemi mekem yufala winim olketa enemi blong yufala wea i faet long yufala. Nomata olketa enemi i kam tugeta wantaem fo faetem yufala, bae olketa ranawe long evri deferen rod.

Diutronomi 32:30

Tingabaotem kuestin blong mi. ?Hao nao wanfala enemi soldia nomoa, hemi save winim 1,000 man blong yufala? ?Hao nao tufala enemi soldia nomoa, save ronem 10,000 man blong yufala? Yufala mas luksave long hem. Samting olsem hemi kamap bikos Yawe, disfala sefples blong yufala, hemi lusim yufala.

Josua 23:10

Sapos 1,000 man nao i laek fo kilim yufala dae, oraet, wanfala man long yufala nomoa hemi save ronem olketa, bikos Yawe hemi saet wetem yufala barava olsem wea hemi bin promisim finis fo yufala.

Jajis 15:15

Den Samson hemi lukim wanfala bon blong maos blong dongki wea hemi jes dae, so hemi pikimap an yusim fo kilim dae 1,000 soldia blong Filistia.

Jajis 4:16

Olketa narafala man blong Sisera i ranawe, bat Barak an olketa soldia blong hem i gohed fo ronem olketa go-go kasem taon long Haroset-Ha-Goeim. Olketa kilim dae evri soldia blong Sisera an no eniwan hemi laef.

Jajis 7:23

Den Gidion hemi sendem toktok go long traeb blong Naftali, an long traeb blong Asa, an long evriwan long traeb blong Manase, mekem evriwan kam fo kilim dae olketa blong Midian. So evriwan i kam fo ronem olketa.

1 Samuel 14:13

Den hemi klaemap go long han an lek blong hem nomoa, an yangfala soldia ya hemi bihaen long hem. Hemi go kilim dae olketa man blong Filistia long frant long hem, an yangfala soldia ya hemi kilim dae olketa wea i kam bihaen.