Levitikas 25:51 - Pijin Deuterocanon

⁵¹ Sapos plande yia hemi stap bifoa disfala Mekfifti Yia, oraet, praes fo peimaot hemi hae fitim olketa yia,

Pijin Bible

⁵¹ Sapos plande yia hemi stap bifoa disfala Mekfifti Yia, oraet, praes fo peimaot hemi hae fitim olketa yia,

Levitikas 25:51 ပူးပေါင်းရင်းမြစ်များ

Levitikas 25:16

Sapos hemi plande yia, praes blong lan ya hemi save hae, bat sapos hemi tu-tri yia nomoa, praes blong hem mas lou. Hemi olsem bikos datfala praes hemi no praes blong lan, hemi praes blong olketa kaikai wea hemi save grou long lan wea man hemi save tekem long hem.

Levitikas 25:24

“An evriwea long kantri blong yufala, taem eniwan hemi salemaot lan blong hem long narafala man, hemi mas garem fas raet fo peim fo tekembaek datfala lan wea hemi bin onam bifoa.

Levitikas 25:50

An fo wakemaot praes fo peimaot, hemi mas toktok wetem risman ya, an tufala mas kaontem olketa yia blong kontrak blong hem, stat long yia wea hemi salemaot hem seleva go long datfala risman go kasem disfala Mekfifti Yia. An tufala mas wakemaot praes wea hemi fitim wejis blong wakaman long olketa yia wea tufala kaontem.

Levitikas 25:52

bat sapos tu-tri yia nomoa hemi stap bifoa disfala Mekfifti Yia, oraet, praes fo peimaot hemi lou fitim olketa yia.

Levitikas 27:18

Bat sapos hemi mekem promis bihaen long disfala Mekfifti Yia, oraet, prist nao hemi mas daonem praes fo peimaot falom haomas yia hemi stap yet fo kasem neks Mekfifti Yia.