Levitikas 11:33 - Pijin Deuterocanon

³³ O sapos eniwan long olketa animol ya hemi dae, an hemi foldaon go insaet long wanfala pot wea olketa wakem long graon, oraet, evrisamting insaet long pot ya hemi no klin long ae blong mi, an yufala mas brekem disfala pot tu.

Pijin Bible

³³ O sapos eniwan long olketa animol ya hemi dae, an hemi foldaon go insaet long wanfala pot wea olketa wakem long graon, oraet, evrisamting insaet long pot ya hemi no klin long ae blong mi, an yufala mas brekem disfala pot tu.

Levitikas 11:33 ပူးပေါင်းရင်းမြစ်များ

Jeremaea 48:38

Olobaot long kantri ya, long olketa haos an long olketa open ples, olketa gohed fo krae nomoa, bikos mi spoelem Moab, olsem pot wea no eniwan hemi laekem moa, so olketa brekem long pisis.

Levitikas 11:34

Sapos yufala wasim eni gudfala kaikai long wata wea hemi stap insaet long datfala pot, oraet, kaikai ya hemi no klin long ae blong mi. O sapos eni gud samting fo dringim hemi stap insaet long datfala pot, oraet, hem tu bae hemi no klin long ae blong mi.

Levitikas 11:35

Sapos enikaen animol long olketa ya hemi dae, an hemi foldaon long enisamting blong yufala, oraet, samting ya hemi no klin long ae blong mi. O sapos animol wea hemi dae hemi foldaon long eni aven wea olketa wakem long graon o long eni bikfala graon pot wea olketa kukim bred long hem, oraet, yufala mas brekem bikos hemi no klin long ae blong mi.

Levitikas 14:45

So olketa mas brekemdaon haos ya, an karimaot evri ston wetem olketa timba an olketa ravis blong hem fo go aotsaet from ples an torowem long wanfala ples wea hemi no klin long ae blong mi.

Levitikas 15:12

Sapos man hu hemi garem sik ya hemi tasim wanfala pot wea olketa wakem long graon, oraet, olketa mas brekem datfala pot. O sapos hemi tasim wanfala baol wea olketa wakem long timba, oraet, olketa mas wasim baol ya.

Levitikas 6:21

Hemi mas miksim flaoa ya wetem oliv oel an fraenem. Hemi mas pisisim disfala bred an ofarem kam olsem sakrifaes wea smel blong hem hemi mekem mi Yawe hapi.

Levitikas 6:28

Sapos prist hemi kukim datfala mit long wanfala pot wea olketa wakem long graon, bae hemi mas brekem pot ya. O sapos hemi kukim long wanfala sospen, hemi mas skrasim klin, an wasim long wata.

Nambas 19:15

An long datfala haostent olketa kontena an sospen wea no eni kava i stap long hem, i no klin long ae blong mi.

Filipae 3:21

An bae hemi mekem olketa wik bodi blong yumi fo sens an kamap nambawan tumas olsem bodi blong hem seleva. Bae hemi duim diswan long disfala bikfala paoa blong hem wea hemi save yusim fo kontrolem evrisamting.