Jiud 1:22 - Pijin Deuterocanon

²² Sapos samfala pipol i stat fo konfius long wanem olketa biliv, yufala mas sore an kaen long olketa.

Pijin Bible

²² Sapos samfala pipol i stat fo konfius long wanem olketa biliv, yufala mas sore an kaen long olketa.

Jiud 1:22 ပူးပေါင်းရင်းမြစ်များ

Esikiel 34:17

“Yufala hu i olsem olketa sipsip blong mi, mi Lod Yawe nao mi tok olsem long yufala: Bae mi jajem yufala evriwan. Bae mi divaedem olketa gudwan from olketa raviswan, olsem wea man hemi divaedem olketa sipsip from olketa nanigot.

2 Korin 2:8

So mi askem strong long yufala fo mekem hem save dat yufala barava lavem hem.

Galesia 4:20

Mi laekem tumas fo stap wetem yufala distaem nao, mekem mi save sensim wei blong mi fo tok long yufala lelebet, bikos mi wari tumas long yufala.

Galesia 6:1

Olketa Kristin fren, sapos wanfala man hemi duim samfala sin, yufala hu i falom Holi Spirit nao, yufala mas helpem hem fo kamap stret moa. An yufala mas duim diswan long wei wea hemi no raf. Bat yufala mas lukaot, nogud yufala tu duim semkaen sin.

Jiud 1:21

An yufala mas gohed fo stap gudfala long wei wea hemi fitim fo pipol wea God hemi lavem olketa. An yufala mas trastem Jisas Kraes Masta blong yumi, wea bae hemi sore an kaen long yufala an givim yufala tru laef wea hemi no save finis.

Jiud 1:23

An sapos samfala kolsap fo lusim biliv blong olketa, wea hemi olsem olketa foldaon insaet long faea, yufala mas kuiktaem fo pulum olketa kambaek from rong wei ya, mekem yufala sevem olketa. Nao samfala pipol ya, ravis wei blong olketa nao hemi barava rulim laef blong olketa. Yufala mas sore an kaen long olketa tu, bat yufala mas lukaot long olketa, nogud eniwan long yufala hemi stat fo falom olketa ravis wei blong olketa ya.